Qendra Spitalore Universitare “Nënë Tereza” pritet të kenë drejtues të rinj. Që prej datës 10 shkurt është hapur gara. Mjekët e rinj kanë dorëzuar dosjet e tyre për të marrë drejtimin e këtyre shërbimeve
Bëhet fjalë për shërbime të rëndësishme siç janë Anestezi-Reanimacioni, Neurologjia, Shërbimi i Onkologjisë, Dermatologjisë, Reumatologjisë, Nefrologjisë Pediatrike, shefat e të cilëve kanë mbushur moshën e pensionit dhe e dorëzojnë këtë funksion.
Emrat e publikuar nga Top Channel për disa prej kandidatëve që kanë ambicie të marrin në dorë drejtimin e shërbimeve të rëndësishme në QSUT.
Më e fortë duket gara në shërbimin onkologjik, ku përveç Prof. Helidon Ninit garon edhe një mjek tjetër që ka qenë shumë i përfolur kohët e fundit.
Po kështu, garë e fortë është për drejtimin e shërbimit të neurologjisë, ku marrin pjesë 3 kandidatë: mjeku neurolog Altin Kuqo, Prof. Ilirjana Zekja dhe Dr. Gentian Vyshka.
Në shërbimin e Toksikologjisë ka gjithashtu 4 kandidatë. Në garë është shefi që drejton aktualisht këtë shërbim, Prof. Andrin Tahiri, po ashtu e synojnë pozicionin Esmeralda Thoma, Alert Drishti dhe Irena Ceko.
Në krye të shërbimit të Anestezi-Reanimacionit do të jetë Prof. Krenar Lilaj, i cili e drejton aktualisht dhe do të vazhdojë të drejtojë këtë shërbim pasi është kandidati i vetëm në këtë garë.
Në krye të shërbimit të Dermatologjisë pritet të jetë Prof. Monika Fida, e cila është kandidate e vetme në garë dhe zëvendëson Prof. Ermira Vasilin.
Në krye të Nefrologjisë Pediatrike do të jetë Prof. Diamant Shtiza
Në krye të Onkohematologjisë Pediatrike do të jetë Prof. Donjeta Bali.
Kandidatët për shefa shërbimi në QSUT:
Shërbimi i Anestezisë – Reanimacionit: Prof. Krenar Lilaj
Shërbimi i Dermatologjisë: Prof. Monika Fida
Shërbimi Onkologjik: Prof. Helidon Nini
Shërbimi i Toksikologjisë Klinike: Prof. Andrin Tahiri, Irena Thoma, Alert Drishti, Irena Ceko
Shërbimi i Neurologjisë: Prof. Ilirjana Zekja, Dr. Altin Kuqo, Dr. Gentian Vyshka
Shërbimi i Onkohematologjisë Pediatrike: Prof. Donjeta Zeqja
Shërbimi i Nefrologjisë Pediatrike: Prof. Diamant Shtiza
Shërbimi i Reumatologjisë: Prof. Ela Petrela, Dr. Ergeta Ktona, Dr. Arber Pecani, Dr. Artur Zoto
Shërbimi i Alergologjisë: Prof. Mehmet Hoxha
Kandidatët duhet të kenë titullin profesor, por pranohen edhe ata me doktoraturë të mbrojtur në universitete të vendeve të BE, SHBA, Kanada, Turqi, Japoni.
Kandidati duhet të ketë përvojë akademike si pedagog me kohë të plotë jo më pak se 5 vjet, si dhe përvojë klinike diagnostike jo më pak se 10 vjet në specialitetin përkatës.
Komisioni i vlerësimit po shqyrton dosjet e kandidatëve për të shpallur më pas emrat e drejtuesve të rinj, një pjesë e të cilëve kanë qenë të komanduar deri më tani dhe janë pjesë e garës
