Luis Hasa ka vendosur të përfaqësojë Kombëtaren shqiptare, duke u larguar nga Italia. Lajmi është bërë i ditur nga “Goal” në Itali, ndërsa pritet zyrtarizimi nga lojtari ose Federata.
Mesfushori 22-vjeçar, i cili është në pronësi të Napolit, po spikat këtë sezon në huazimin e tij te skuadra e Carrarese në Serinë B.
Ky ndryshim u bë i mundur pasi lojtari nuk ka debutuar asnjëherë në ndeshje zyrtare me ekipin e parë të Italisë. Hasa ka qenë pjesë e rregullt e axurrëve për moshat U-18 dhe U-21, por ka zgjedhur të kalojë te kuqezinjtë për shkak të origjinës së prindërve të tij.
Edhe pse i lindur në Itali, ai ka pasur kontakte të hershme me Shqipërinë që në moshën 15-vjeçare. Ky afrim vjen menjëherë pas eliminimit të Shqipërisë në fazën “play-off” ndaj Polonisë në Varshavë.
Talenti i lindur në vitin 2004 pritet të jetë një nga shtyllat e reja të mesfushës kuqezi
