Izraeli dhe Hezbollah kanë kryer sulme gjatë natës. Sipas raportimeve nga mediat e huaja, Izraeli ka goditur raketahedhësit e Hezbollahut gjatë natës, ndërsa grupi militant i mbështetur nga Irani ka kryer sulme në veri të Izraelit.
Një sulm me raketa i Hezbollahut është raportuar gjithashtu në qytetin portual jugor izraelit të Ashdodit, duke e bërë atë një nga sulmet më të rënda të tentuara nga grupi gjatë luftimeve aktuale.
Donald Trump i bëri thirrje Benjamin Netanyahut të “qetësohej” dhe të tregonte kujdes në Liban.
Sulmet izraelite vranë më shumë se 300 njerëz në të gjithë vendin, raportoi më herët mbrojtja civile libaneze.
Netanyahu një ditë më parë deklaroi se bisedimet e paqes me Libanin do të zhvillohen “sa më shpejt të jetë e mundur”, ndërsa fushata e vendit të tij kundër Hezbollahut e vë në presion armëpushimin dyjavor midis SHBA-së dhe Iranit.
Statusi i diskutueshëm i përfshirjes së Libanit në armëpushim po krijon tensione përpara bisedimeve midis Iranit dhe SHBA-së në Pakistan këtë fundjavë.
Izraeli dhe Shtëpia e Bardhë këmbëngulin se Libani nuk është pjesë e marrëveshjes së armëpushimit.
Por si Pakistani ashtu edhe Irani, nuk janë dakord dhe kërkojnë të ndalen sulmet.
