Një tjetër aksident i rëndë është shënuar në Durrës, ku një shtetas është rrëzuar nga motori dhe për pasojë ka humbur jetën.
Ngjarja është shënuar te Kepi i Rodonit, teksa A.K., banues në Tiranë, ka qenë duke eksploruar zonën duke drejtuar një motomjet me 4 goma.
Aksidenti ka ndodhur në një terren të vështirë, ndërsa personi që ka humbur jetën është i moshës 52-vjeç.
Nga aksidenti ka mbetur e plagosur, bashkëshortja e viktimës, 44-vjeçarja E.K.,e cila ndodhet jashtë rrezikut për jetën.
Njoftimi i policisë:
Durrës / Informacion paraprak
Rreth orës 16:45, në vendin e quajtur “Kepi i Rodonit”, në një terren me shkurre, shtetasi A. K., rreth 52 vjeç, banues në Tiranë, duke drejtuar një motomjet (me 4 goma), dyshohet se ka humbur kontrollin, si pasojë e terrenit, dhe është rrëzuar.
Si pasojë, 52-vjeçari ka ndërruar jetë në vendngjarje.
Në motomjet ndodhej edhe bashkëshortja e tij, shtetasja E. K., 44 vjeçe, e cila është lënduar lehtë dhe ndodhet jashtë rrezikut për jetën.
Grupi hetimor ndodhet në vendngjarje dhe po punon për zbardhjen e plotë të rrethanave dhe shkakut të aksidentit.
