Analisti Andi Bushati, i ftuar në emisionin “Të Paekspozuarit” në MCN TV, ka deklaruar se me qëndrimin për protestën e qytetarëve dhe për Zvërnecin, Sali Berisha po shfaqet si “idiot noterik” pasi po bie dakord me diçka që i shërben kryekëput Edi Ramës.
“Berisha del idiot noterik. Një gjë që i shërben Ramës nga fillimi deri në fund, fillon, vjedh, ble media, ushqen oligarkët e vet, bën lobing në Amerikë, me llokmë Shqipërie forcon pushtetin e vet. Është në të drejtën e vet të sillet kështu. Ajo që bën Flamuri, Saliu, Strazimiri, që e dëgjova dhe thoshte po na pushtojnë transgjinorët dhe merremi me Zvërnecin, opozita ka kaluar në një debilizim të frikshëm, të futur brenda një vazo…
Ti thua kapin ndonjë lek, po një opozitë, edhe po të ketë qëllim të kapë lekë, duhet të marrë pushtetin, të kapë më shumë lekë. Frika ime është, që Saliun edhe për shkak të izolimit dhe moshës, e gënjejnë që do të heqë Kushneri non-gratën dhe e kanë futur në kurth, ndryshe nuk e shpjegoj dot këtë sjellje idioteske të opozitës. Nuk është çështje e moralit të opozitës. Frika imë është që bashkë me moralin, kanë humbur nuhatjen për të kuptuar pulsin e shoqërisë. Kjo opozitë nuk di të lexojë më se çfarë pulson shoqëria”, deklaroi Bushati.
