Në Gjykatën e Posaçme kundër Korrupsionit dhe Krimit të Organizuar (GJKKO) është zhvilluar një seancë e tensionuar ndaj kreut të Ilir Meta dhe ish-deputetes Monika Kryemadhi, ku ish-bashkëshortët janë përfshirë në një debat të ashpër gjatë procesit gjyqësor.
Gjatë seancës, Meta deklaroi se nuk kishte dijeni për mesazhe apo veprime të lidhura me persona të ndryshëm, përfshirë Adrian Shatkun, Piro Xhixhon dhe Theodhori Çamin, duke u shprehur se këto çështje i përkasin Kryemadhit. Ai përdori gjithashtu gjuhë të fortë, duke i cilësuar disa pretendime si “histori UDB-je dhe agjenturash”.
Nga ana tjetër, Kryemadhi reagoi ashpër duke e akuzuar Metën se merret me “thashetheme”, duke përmendur edhe persona të tjerë të pranishëm në sallë, përfshirë Tedi Blushin dhe ish-kreun e SPAK, Altin Dumani.
Debati u përshkallëzua më tej kur Kryemadhi ngriti tonet ndaj Blushit, duke shkaktuar ndërhyrjen e gjykatës, e cila paralajmëroi palët se do të nxirren nga salla në rast përsëritjeje të sjelljeve të tilla.
Gjykata theksoi se çdo përsëritje e tensioneve do të sjellë përjashtim dhe gjobitje për palët e përfshira në proces.
