Futbollisti legjendar portugez, Cristiano Ronaldo, ishte protagonisti kryesor i fitores bindëse 5-0 të Portugalisë ndaj Uzbekistanit në Kupën e Botës 2026.
Sulmuesi 41-vjeçar realizoi dy gola dhe vendosi një rekord historik, duke u bërë lojtari i parë që shënon në gjashtë Kupa të Botës të ndryshme. Dy golat e shënuar ndaj Uzbekistanit ishin të parët e Ronaldos në këtë edicion të Botërorit, por mjaftuan për ta futur edhe një herë emrin e tij në librat e historisë së futbollit
Reagim emocional pas ndeshjes
Menjëherë pas fishkëllimës së fundit, Ronaldo iu drejtua kamerës televizive dhe bërtiti me emocion: “Jam kthyer, jam kthyer!”
Më vonë, në një deklaratë për mediat, kapiteni portugez shpjegoi mesazhin e tij, duke nënvizuar se kishte vuajtur pas ndeshjes së parë.
“Ata menduan se kisha mbaruar dhe se duhej t’u thosha lamtumirë, por unë jam këtu. Jam kthyer. Historitë dhe zërat nga jashtë janë gjithmonë të tilla dhe ne nuk mund t’i kontrollojmë. Ne ecim përpara dhe qëndrojmë të bashkuar”, deklaroi Ronaldo.
