atikani ka rikonfirmuar se vetëm priftërinjtë dhe diakonët e shuguruar mund të predikojnë gjatë Meshës së Shenjtë Katolike, duke refuzuar një kërkesë të Konferencës Ipeshkvnore Gjermane për të zgjeruar këtë praktikë edhe grath apo besimtarët laikë.
Vendimi u bë publik nga Dikasteri për Kultin Hyjnor dhe Disiplinën e Sakramenteve, institucioni përgjegjës për çështjet liturgjike në Kishën Katolike, e cila numëron rreth 1.4 miliardë besimtarë në mbarë botën.
Në kërkesën e tyre, ipeshkvijtë gjermanë propozuan që edhe gra apo laikë të tjerë të autorizuar të mund të predikonin gjatë Meshës, duke argumentuar se shumë prej tyre kanë formimin dhe aftësitë e nevojshme për të interpretuar Shkrimin e Shenjtë. Nisma pasqyron diskutime të ngjashme që zhvillohen prej vitesh në disa vende evropiane dhe në Shtetet e Bashkuara.
Megjithatë, Vatikani theksoi se kjo normë nuk është thjesht një rregull disiplinor, por lidhet drejtpërdrejt me natyrën teologjike të liturgjisë katolike dhe predikimi është i rezervuar vetëm për klerin e shuguruar.
Në deklaratën e saj, Selia e Shenjtë sqaroi se rregullorja aktuale nuk mund të ndryshohet përmes përjashtimeve lokale. Ndërkohë, laikët vijojnë të kenë mundësinë të mbajnë reflektime dhe predikime në shërbesa fetare që zhvillohen jashtë Meshës.
