Një zjarr i madh përfshiu një klub në Bangkok mbrëmjen e së dielës, duke vrarë të paktën 27 persona dhe plagosur rëndë 8 të tjerë.
Flakët filluan pas skenës së barit në lagjen e njohur Chatuchak dhe më pas u përhap me shpejtësi, duke ndërprerë energjinë elektrike dhe duke e përfshirë dhomën me tym, thonë dëshmitarët okularë, raporton BBC.
Pamjet e postuara në internet tregojnë klientë në panik që bërtasin ndërsa iknin, disa prej tyre me rrobat në flakë, përmes derës së përparme.
Zjarrfikësit, të cilët mbërritën në vendngjarje menjëherë pas mesnatës, e shuan shpejt zjarrin. Ata gjetën trupat e shumicës së viktimave në një banjo, ku me sa duket kishin kërkuar strehim.
Hetimet paraprake sugjerojnë se zjarri mund të jetë shkaktuar nga një qark i shkurtër elektrik në një kondicioner, megjithëse nuk është dhënë asnjë shkak zyrtar.
Kjo nuk është hera e parë që një incident i tillë ka ndodhur në Tajlandë. Pavarësisht premtimeve zyrtare për të përmirësuar standardet e sigurisë nga zjarri dhe elektrike pas incidenteve të mëparshme, ato shpesh zbatohen dobët.
