Antonela Roccuzzo di gjithmonë si të tërheqë vëmendjen. Bashkëshortja e Lionel Messit ka ndezur rrjetet sociale me fotot e fundit nga pushimet luksoze, ku shfaqet në superformë me një bikini të vogël blu mbi një jaht, duke marrë mijëra komplimente nga ndjekësit. 38-vjeçarja, e martuar prej nëntë vitesh me legjendën argjentinase Lionel Messi, publikoi një album fotografish ku shfaqet duke shijuar ditët e verës.
Në një tjetër foto ajo pozon me rroba banje të kuqe pranë një pishine elegante, ndërsa lexon librin e saj elektronik. Albumi përfshinte gjithashtu pamje të një pjate me fruta të freskëta, libra dhe pijen tradicionale argjentinase yerba mate.
Por ajo që tërhoqi edhe më shumë vëmendjen ishte reagimi i Georgina Rodriguez, partneres së Cristiano Ronaldos. Pavarësisht rivalitetit historik mes dy superyllëve të futbollit, Georgina la një zemër në postimin e Antonelës, duke treguar se mes dy femrave nuk ka asnjë rivalitet.
Ky gjest erdhi vetëm pak ditë pasi Antonela kishte mbështetur Georginën në një postim të saj, duke komentuar me tre emoji duartrokitëse, pasi modelja iu përgjigj kritikëve që e sulmonin për format trupore me mesazhin: “Unë i dua format e mia.”
Ndërkohë, Georgina po përgatitet të martohet me Cristiano Ronaldon në Madeira, por kjo nuk e pengoi të tregonte vlerësimin e saj për postimin e Antonelës. Edhe fansat shpërthyen me komente plot admirim për partneren e Messit: “Mbretëresha.” “Perëndeshë për Perëndinë e futbollit.” “WAG-u më seksi, kush nuk është dakord le të debatojë.”
“Të lutem, jepi Leos një puthje në ballë nga ana ime.” Me fotot e saj provokuese dhe elegancën që e karakterizon, Antonela Roccuzzo dëshmoi edhe një herë se mbetet një nga WAG-et më të admiruara dhe më të komentuara në botën e futbollit.
