Një foto e saj me fanellën e Argjentinës mjaftoi për të ndezur rrjetin! Beth Grotelueschen, ish-futbollistja gjermane, sot modele dhe influencuese fitnesi, është bërë papritur protagoniste e një debati të pazakontë në rrjetet sociale
Bukuroshja gjermane publikoi një selfie me një bluzë sportive ku shkruhej “Argentina”, por postimi mori përmasa të papritura. Krahas komenteve për pamjen e saj, në rrjet shpërthyen edhe diskutime të çuditshme që lidhën foton me teori konspirative rreth Luftës së Dytë Botërore dhe nazistëve të arratisur në Argjentinë.
Beth, e cila është gjithashtu nënë, e nisi karrierën në futboll shumë larg vëmendjes së Instagramit. E lindur në Heinsberg të Gjermanisë, ajo u dallua që në moshë të re për talentin dhe përkushtimin në fushën e blertë. Ajo luajti për Mundelein HS dhe Ramstein HS, ndërsa më pas u transferua në SHBA për të ndjekur karrierën universitare.
Pas përfundimit të aventurës në futboll, ajo ndërtoi një karrierë të suksesshme në botën e fitnesit dhe modelingut. Sot, ajo tërheq mijëra ndjekës në rrjetet sociale, por një foto e thjeshtë me fanellën e Argjentinës i dha papritur një tjetër dimension famës së saj.
