Mbështetësit e PD nisin marshimin nga Kryeministria te Ministria e Arsimit

Ka nisur marshimi i protestuesve mbështetës të Partisë Demokratike përgjatë bulevardit “Dëshmorët e Kombit”, nga Kryeministria drejt Ministrisë së Arsimit. Përpara Ministrisë së Arsimit, në orën 14:00, është njoftuar se do të nisë protesta e të rinjve. Protestuesit e PD-së kanë deklaruar se do t’i bashkohen protestës së studentëve. Mbetet për t’u parë nëse dy grupet e protestuesve do të bashkohen apo nëse protestat do të vijojnë të ndara.