Ekipet e emergjencës u nisën drejt Portit të Nju Orlinsit në SHBA, pasi një anije cisternë u përplas me një anije turistike lumore, në bordin e së cilës ndodheshin më shumë se 130 persona, pasditen e së premtes, sipas zyrtarëve të portit.
Anija cisternë “Atlantic Asphalt” u përplas me anijen “American Heritage” të kompanisë “American Cruise Lines” rreth orës 12:30, ndërsa kjo e fundit ishte e ankoruar në lumin Misisipi, bënë të ditur zyrtarët e portit.
Shkaku i përplasjes dhe numri i personave të lënduar janë ende nën hetim.
Pamjet e publikuara në rrjetet sociale, tregojnë se si anija e madhe cisternë goditi anijen turistike të ankoruar, duke bërë që ajo të anonte në njërën anë dhe të fundosej pjesërisht nën ujë në pak sekonda.
