Dy të rinj shqiptarë janë shpallur në kërkim nga policia britanike pasi akuzohen për vjedhje parash dhe bizhuterish në një shtëpi në Guildford.
Ibrahim Basha, 27 vjeç, banues në Ipswich dhe Ermir Mataj, 33 vjeç, të dy shtetas shqiptarë, kërkohen në lidhje me vjedhjen. Të dy burrat kanë lidhje me Ipswich, në Londrën Qendrore dhe Surrey.
Policia tha se dy të dyshuarit u futën në një shtëpi në Guildford në 10.40 të mëngjesit më 29 shkurt.
Një sasi e madhe parash e stoli u vodhën para se të dyshuarit të largoheshin kur u shqetësuan nga banori i shtëpisë.
