Një ngjarje e rëndë është regjistruar në Malishevë, ku dy fëmijë kanë rënë në një pus.
Mësohet se aktualisht ekipet e kërkim-shpëtimit, pasi nxorën të vdekur një prej fëmijëve, janë duke kërkuar edhe për tjetrin.
Lajmin për Radion Evropa e Lirë e ka konfirmuar zëdhënësi i Policisë së Kosovës, Daut Hoxha.
“Policia me njësitet e saj ka dal në vendin e ngjarjes, si dhe ka njoftuar ekipet e emergjencës. Ekipi mjekësor ka konstatuar vdekjen e një fëmije rreth 10/12 vjeç, i nxjerrë nga pusi. Po ashtu janë njoftuar ekipet e kërkim-shpëtimit për nxjerrjen edhe të një fëmije tjetër, i cili dyshohet të ketë rënë në një pus me ujë”, tha Hoxha.
