Sipas Organizatës Botërore të Shëndetësisë dhe Organizatës Ndërkombëtare të Punës, rreth 12 miliard ditë pune humbasin në një vit për shkak të akthit, depresionit të punonjësve, duke i kushtuar ekonomisë globale 1 trilion dollarë në një vit.
“Shëndeti mendor është një sfidë globale tani më që prek punonjësit dhe më e keqja është se po prek profesionistët, ata më të zotët. Punonjësit me shëndet të dobët mendor, që vuajnë kryesisht nga ankthi apo dhe depresioni e manifestojnë këtë duke mos u paraqitur vazhdimisht në punë, duke sjellë raporte, duke mos qenë të vëmendshëm në realizimin e objektivave gjatë punës që kanë, duke i deleguar një pjesë të punës kolegëve, duke punuar me orare të redaktuara. Nuk kanë më ambicien për tu rritur brenda kompanisë. Këta tregues dëmtojnë jo vetëm kompaninë por edhe objektivat që ajo ka”, shprehet Erion Muça, ekspert punësimi.
Çfarë masash kanë marrë vendet e zhvilluara?
“Bota po redukton orët e punës në ditë dhe ditët e punës në javë, duke krijuar më shumë hapësirë për jetë sociale për punonjësit. Së dyti, brenda kompanisë po ripërshtat përmes psikologut, po përshtat punonjësit sipas potencialit. Së treti po respektojnë nevojën që ka punonjësi kur është i pamundur nga ana shëndetësore, për t’i lënë disa ditë pushim të marrë veten dhe të kthehet me energji të reja në punë. Po arrijë të krijojnë, apo ndërtojnë duke ofruar paketa mbështetëse, analiza shëndetësore, që një punonjës mund të kontrollohet dhe të bëjë vizitat. Kjo shihet si një mbështetje nga puna që bën apo kompania”, shtoi eksperti i punësimit, Erion Muça
