Një aksident me pasojë vdekje ka ndodhur pak më parë në Kurbin.
Kurbin/Informacion paraprak
Rreth orës 07:30, në fshatin Shullaz, shtetasi N. J., rreth 65 vjeç, duke drejtuar automjetin dyshohet se ka humbur kontrollin mbi drejtimin e automjetit dhe si pasojë automjeti ka dalë nga rruga.
Si pasojë e plagëve të marra, shtetasi N. J., ka humbur jetën në spital.
Grupi hetimor ndodhet në vendngjarje dhe po punon për sqarimin e rrethanave dhe shkakut të aksidentit.
Vendi ynë gjatë ditës së sotme do të ndikohet nga kushte atmosferike relativisht të paqëndrueshme.
Moti parashikohet me kthjellime dhe vranësira mesatare deri të dendura, kryesisht në veri e lindje nga ku dhe do të pasohen me reshje shiu e bore me intensitet të ulët. Era pritet të fryjë me drejtim verilindje-veri 6-13m/s, ndërsa në lugina dhe bregdet hera-herës do të intensifikohet me shpejtësi 13-22m/s me dallgëzim në dete 3-5 ballë.
Temperaturat parashikohen:
në zonat malore -5 deri 3°C
në zonat e ulëta 0 deri 11°C
në zonat bregdetare 3 deri 13°C
Dashi
Dita e sotme është e përkryer për t’iu përkushtuar shtëpisë. Në punë, energjia juaj frymëzon kolegët. Në dashuri, është një ditë të shkëlqyer për biseda intime. Për sa i përket shëndetit, balanconi aktivitetin me relaksimin për të shmangur stresin.
Demi
Prania e Jupiterit në shenjën tuaj sjell një këndvështrim filozofik, duke e bërë këtë një ditë të shkëlqyer për të mësuar dhe zgjeruar horizontet tuaja. Në planin financiar, merrni parasysh investimet afatgjata që premtojnë rritje. Vendi juaj i punës mund të përfitojë nga idetë tuaja vizionare, ndaj mos hezitoni t’i ndani ato.
Binjakët
Në planin financiar, përpiquni të tregoheni të kujdesshëm. Në punë, elasticiteti ju ndihmon në realizimin e shumë detyrave. Jeta romantike mund të kërkojë më shumë komunikim; mos supozoni se partneri juaj e di se çfarë po mendoni. Shëndeti është i qëndrueshëm, por relaksimi mendor është vendimtar.
Gaforrja
Marsi në shenjën tuaj ju jep energji, duke ndezur një fillim dinamik të ditës. Financiarisht, është një kohë e mirë për të rimarrë atë që është e juaja. Në punë, vendosmëria juaj udhëheq rrugën, por sigurohuni që të shoqërohet me takt. Lidhja juaj në çift do të jetë pasionante.
Luani
Dita e sotme do të jetë dinamike. Në planin financiar, kreativiteti të çon në fitim, ndaj ndiqni idetë tuaja novatore. Në punë, udhëheqja vjen natyrshëm dhe disponimi juaj ju çon përpara. Në romancë, një gjest i vogël mund t’ju ndriçojë ditën.
Virgjëresha
Intuita financiare është rritur. Në punë mund të ndiheni paksa të keqkuptuar; komunikimi i qartë është aleati juaj. Marrëdhëniet romantike përfitojnë nga ndjeshmëria juaj e shtuar, megjithëse kini kujdes nga ndryshimi i humorit të partnerit/partneres suaj.
Peshorja
Në planin financiar është një ditë për të ruajtur status quo-në. Në punë, diplomacia ju ndihmon të lundroni në negociata të ndërlikuara. Dashuria kërkon ekuilibër; sigurohuni që të jepni aq sa merrni.
Akrepi
Pritet të kaloni një ditë fantastike. Financiarisht, njohuritë tuaja mund të çojnë në investime fitimprurëse. Në punë, aftësitë tuaja komunikuese do të jenë të larta veçanërisht në takime apo prezantime. Në dashuri fjalët tuaja kanë peshë, zgjidhni ato me kujdes për të thelluar lidhjen.
Shigjetari
Dielli në shenjën tuaj ndriçon të gjitha përpjekjet sot. Financiarisht, ka gjasa në ndërmerrni një rrezik mg ai cili mund të përfitoni. Planifikoni diçka të pazakontë me partnerin tuaj, për ta nxjerrë lidhjen nga rutina. Shëndeti është i fortë, por tregohuni të kujdesshëm për ta ruajtur atë.
Bricjapi
Afërdita e zbukuron shenjën tuaj me sharm dhe lehtësi në situata sociale. Marrëdhëniet financiare, veçanërisht negociatat, janë të favorizuara sot. Në punë, diplomacia juaj avancon qëllimet tuaja. Jeta romantike do të lulëzojë.
Ujori
Në punë, fokusi dhe përkushtimi juaj çojnë në arritje të rëndësishme. Në marrëdhënie, durimi dhe pjekuria janë çelësi. Merrni kohë për të dëgjuar partnerin tuaj. Për sa i përket shëndetit, kontrollet e rregullta do të jenë thelbësore.
Peshqit
Financiarisht, mund të shfaqen mundësi, eksplorojini ato. Në punë, intuita është udhërrëfyesi juaj më i mirë. Për sa i përket shëndetit, kushtojini vëmendje mirëqenies fizike dhe emocionale. Në mbrëmje meditimi ose joga mund të sigurojë paqen dhe ekuilibrin që kërkoni.
Besimtarët e krishterë kremtojnë sot festën e krishtlindjes. Presidenti Bajram Begaj ka uruar përmes Facebook të gjithë besimtarët këtë festë.
“Gëzuar Krishtlindjen të dashur besimtarë të krishterë! Ju uroj shëndet, paqe dhe lumturi në jetët tuaja”, shkruan presidenti në postimin e tij në Facebook.
Krahas urimit Begaj ka postuar edhe një kartolinë me rastin e kësaj feste.
“Të nderuar bashkëqytetarë të krishterë, Në këtë ditë të shenjtë të Krishtlindjes, dëshiroj të përcjell përshëndetjet dhe urimet më të përzemërta për ju dhe familjet tuaja!
Krishtlindja, kjo festë e ndritur që simbolizon lindjen e shpresës dhe paqes, na fton të ndalemi për një çast e të reflektojmë mbi vlerat më të larta të njerëzimit: dashurinë, solidaritetin, mirëkuptimin dhe faljen.
Për të gjitha familjet shqiptare, brenda dhe jashtë vendit, uroj Krishtlindje të gëzuara, shëndet, paqe dhe lumturi! Gëzuar!”
Presidenti i zgjedhur i Shteteve të Bashkuara të Amerikës, Donald Trump, ka thënë se sapo ta marrë detyrën do ta urdhërojë Departamentin e Drejtësisë që të “zbatojë fuqishëm” dënimin me vdekje për të mbrojtur amerikanët nga “dhunuesit, vrasësit dhe monstrat”.
Me një postim në rrjetin e vet social “Truth Social”, Trump iu përgjigj deklaratës së djeshme të presidentit në largim Joe Biden i cili bëri të ditur se kishte ndryshuar dënimet me vdekje për 37 nga 40 të burgosurit me burgim të përjetshëm.
“Sapo të marr detyrën (20 janar), do të urdhëroj Departamentin e Drejtësisë që të zbatojë me forcë dënimin me vdekje për të mbrojtur familjet dhe fëmijët amerikanë nga dhunuesit, vrasësit dhe monstrat”, ka thënë Trump.
Gjatë mandatit të parë presidencial, nga viti 2017 deri në vitin 2021, Trump riktheu ekzekutimet për krime në nivel federal, pas ndalimit prej gati 20 vjetësh.
Biden, i njohur si kundërshtar i dënimit me vdekje, ndaloi ekzekutimet në nivel federal kur mori detyrën në janar 2021.
Ne, një grup gazetarësh me shumë përvojë, në sektorin e medias së shkruar, kemi vendosur që të kontribuojmë në një dritare tonën, ku kufijtë na i vendos vetëm etika e profesionit dhe jo interesat e padronit, është një nismë idealiste. startnews.al, pa censurë, pa imponim, por me ambicien kerkon të shndërrohet në një dritare besnike për ndjekës që duan një gazetari të angazhuar, por të pavarur nga agjendat private të grupeve, trusteve e partive, nisma jonë ka zënë fill me idealizëm dhe garantojmë se do të vijojë e tillë, me shpresë se besnikëria e lexuesve do na shpërblejë.
Kontakto: [email protected]
© 2024 startnews.news. All Rights Reserved.
