Në një intervistë për emisionin “2984” në Vizion Plus, kryetari i Partisë Demokratike-Demokratët Euroatlantikë, Lulzim Basha, ka kritikuar ashpër ish-kryeministrin Sali Berisha. I pyetur nga Albano Bogdo për deklaratat e Berishës se ai është “zhgënjimi më i madh”, Basha tha se “zhgënjimi më i madh i demokratëve është ai vetë. Sot Shqipëria dhe Partia Demokratike do të ishin ndryshe nëse Berisha nuk do të kishte treguar një egoizëm të tillë. Pa këtë egoizëm, qeveria aktuale nuk do të ishte në pushtet.”
Basha shtoi se Berisha ka vënë interesin e tij mbi interesat e demokratëve dhe shqiptarëve, duke u kthyer në një bllokues të rotacionit politik dhe një kapital të Edi Ramës.
Pjesë nga intervista:
Albano Bogdo: Në një intervistë disa kohë më parë Berisha deklaroi se ti je njeriu që e kë zhgënjyer më shumë, ke ndonjë koment?
Lulzim Basha: Zhgënjimi më i madh i demokratëve është ai vet. Sot Shqipëria do ishte ndryshe, PD do ishte ndryshe, Shqipëria do të ishte ndryshe, nëse nuk do të kishte treguar me cinizëm, me egoizëm egoizmin më të madh që ka treguar ndonjë politikan në këto 34 vite. Pa egozimin etij kjo qeveri nuk do të ishte në pushtet dhe shqiptarët jo thkesht për një jetë më të mirë, por edhe për një kulturë të re politike pas 34 vitesh me Partinë Demokratike. Ka që në 1968 në politikë. 56 vite në politikë.
Albano Bogdo: Tani e mendove këtë gjë ti?
Lulzim Basha: Jo se kisha menduar. Por ky egoizëm nisi në 2021. Unë edhe zotin Berisha e kam trajtuar me respekt. Është traditë e familjeve shqiptare që të moshuarit i trajtojmë me respekt. Por vjen një moment kur interesi i shqiptarëve duhet të mbizotërojë, interesi publik, interesi politik nëse doni, i demokratëve, i opozitës, duhet të mbizotërojnë mbi interesat personale. Dhe këtu për fat të keq, Berisha jo vetëm ka vënë interesin e tij mbi interesin e demokratëve dhe mbi interesat shqiptarëve, por është kthyer në bllokuesin kryesor të rotacionit politikë, në kapitalin kryesor të Edi Ramës.
Sot, datë 22.12.2024, në ambientet e Muzeut “Kosova”, në Vlorë, Instituti i Studimeve Politike “Ismail Qemali, organizuam promovimin e librit “Narkodiktatura Shqiptare në Oborrin e Europës”, të studiuesit, albanologut, kulturologut, politologut Ndriçim Kulla.
Ky aktivitet kishte të pranishëm, intelektual, shkrimtarë, ish-deputetë e qytetar vlonjatë, sikurse nderuan aktorët e mirënjohur shqiptar Mjeshtri i Madh Bujar Asqeriu dhe aktorja e nderuar dhe ish-deputetja e Partisë Demokratike Znj.Rajmonda Bulku.
Në fjalën time, vlerësova punën e mirë të bërë me këtë vepër, duke ju dashur opozitës në veçanti dhe Shqipërisë, si një “Manifest i vërtetë politik”.
Vepra dëshmon krizën politike, ekonomike, demografike, sociale e diplomatike, që po kalon Shqipëria 12 vitet e fundit. Ajo tregon qartazi peizazhin e zymtë, në të cilën është zhytur Shqipëria këto vite.
Në fjalën e tij, Kryetari i Partisë Demokratike Vlorë Atird Hoxha, theksoi rëndësinë e kësaj vepre, trajtimin me guxim dhe mendim të thellë sfidat politike dhe shoqërore të Shqipërisë, duke analizuar dinamikat e një regjimi që ai e quan “narkodiktaturë” dhe duke theksuar pasojat e tij jo vetëm për vendin tonë, por edhe për rajonin dhe Europën; ku çdokush e gjen veten, për kalvarin e dramave sociale e ekonomike që i kanë ndodhur vendit nga keqqeverisja e sektit Rama.
Aktorja Rajmonda Bulku përcolli disa nga pjesët më të spikatura në këtë libër.
Autori dhe studiuesi i nderuar Ndriçim Kulla, falenderoi me mirënjohje Institutin e Studimeve Politike “Ismail Qemali”, Kryetarin e PD Vlorë dhe të pranishmit për organizimin dhe promovimin e veprës “Narkodiktatura Shqiptare në Oborrin e Europës”.
Këtë promovim, krahas Institutit të Studimeve Politike “Ismail Qemali”, e bashkërendova e organizum me ndihmën e kontributin e Kryetarit të PD Vlorë Atird Hoxha.
Kryetari i Partisë Demokratike, Sali Berisha ka reaguar pas deklaratës së djeshme të kryeministrit Edi Rama për mbylljen e platformës së TikTok, për një vit.
Përmes një postimi po në këtë rrjet social, Berisha shprehet se ndalimi i TikTok është një akt ekstrem, teksa ndalet te përgjigja e dhënë nga vetë platforma për rastin e vrasjes së 14-vjeçarit, Martin Cani një muaj më parë.
Ndër të tjera, krye demokrati i bën thirrje qytetarëve që të bëjnë thirrje mbrojtjeje të kësaj platforme.
Reagimi i plotë i Berishës:
Ndalimi i Tik Tok, akt ekstrem censure!
Mirëdita, të dashur miq!
Në një akt ekstrem censure, Edi Rama informoi dje se ka vendosur të bllokojë plotësisht platformën e Tik Tok-ut. Sipas tij, ishte ky një shkak madhor i vrasjes së nxënësit në shkollë.
Mirëpo, kompania e Tik Tok informoi se, as i ndjeri Martin, as dhe vrasësi i tij nuk kishin llogari në këtë platformë.
Çfarë del? Kësaj i thonë njëlloj sikur, për të mos patur aksidente, të ndalojmë përdorimin e makinave, apo të ndalojmë përdorimin e rrugëve dhe këto janë absurditete.
E vërteta është se, Edi Rama vendosi ndalimin e platformës së Tik Tok-ut vetëm e vetëm se, aksionet e tij në mediat sociale kanë rënë përtokë, siç dëshmojnë të gjitha sondazhet.
Së dyti, ai nuk i blen dot këto platforma, siç blen media tjera në Shqipëri.
Dhe së fundmi, jemi në prag të zgjedhjeve dhe nuk toleron dot negativitetet e pasqyruara nga qytetarët në këto platforma.
Duke ju garantuar se, platforma e Tik Tok-ut do të hapet menjëherë pas zgjedhjeve, ju ftoj të dashur miq, të postoni në llogaritë tuaja të Tik Tok, por edhe rrjeteve tjera sociale, statuse në mbrojtje të kësaj platforme dhe në dënim të censorit ekstrem, narkodiktatorit Edi Rama.
Një konflikt mes dy grupeve të rinjsh ka degjeneruar në dhunë dhe përdorim të sendeve të forta. Ngjarja ka ndodhur mbrëmjen e së shtunës (21 dhjetor) rreth orës 20:00 në fshatin Shkallë, të Bashkisë Konispol.
Burime bëjnë me dije se në konflikt janë përfshirë të paktën 6 persona. Prej tyre ka pasur edhe të plagosur. Në spitalin e Sarandës kanë shkuar për mjekim 4 persona, por 19-vjeçari Amarildo Saliko nga Konispoli dhe 22-vjeçari Flori Pasho nga fshati Shalës kanë qenë të plagosur më rëndë.
Ata kishin pasur të çara 3-4 cm në kokë dhe kanë marrë ndihmë në spital. Policia ka nisur hetimet për ngjarjen dhe mësohet se janë shoqëruar 4 persona të cilët po merren në pyetje për të sqaruar shkaqet e kësaj ngjarjeje.
Kryetari i Federatës Panshqiptare të Amerikës “VATRA”, Elmi Berisha, ka publikuar një letër falënderimi për punën që ka bërë ndër vite për shqiptarët, Ambasadori i SHBA në Kosovë Jeffry Hovenier, i cili është në përfundim të mandatit të tij.
Përmes një postimi në faqen zyrtare të “Gazeta Dielli” në Facebook, Elmi Berisha thotë se ambasadori Jeffry Hovenier është një lider vizionar dhe mik i përkushtuar i Kosovës, i cili ka qenë një zë i fuqishëm për përparimin e dialogut Kosovë-Serbi dhe për ndërtimin e një të ardhmeje paqësore dhe të qëndrueshme për të gjitha komunitetet që jetojnë në Kosovë.
Me angazhimin e tij të paepur, Hovenier ka kontribuar në përpjekjet për të zbutur polarizimet politike, për të nxitur kohezionin social dhe për të zgjeruar perspektivat e Kosovës drejt integrimeve euroatlantike, shkruan ndër të tjera Elmi Berisha.
Teksa rendit frytet e punës dhe arritjet që ambasadori ka bërë në interes të shqiptarëve, Elmi Berisha shpreh mirënjohjen dhe respektin më të thellë për Ambasadorin e Shteteve të Bashkuara të Amerikës në Kosovë, z. Jeffry Hovenier.
“Teksa Ambasadori Hovenier i jep fund një karriere mbi 30-vjeçare të përkushtuar ndaj shërbimit diplomatik, ne shprehim falënderimet më të sinqerta për udhëheqjen e tij të jashtëzakonshme dhe miqësinë e tij të çmuar.
Miqësia dhe bashkëpunimi që kemi ndarë gjatë kësaj kohe do të mbeten një testament i marrëdhënies së veçantë mes popullit shqiptar dhe Shteteve të Bashkuara të Amerikës. VATRA mbetet e përkushtuar për të ndjekur vizionin drejt së ardhmes dhe për të vazhduar ndërtimin e urave të bashkëpunimit dhe mirëkuptimit në interes të Kosovës dhe të gjithë rajonit”, thekson ! Kryetari i Federatës Panshqiptare të Amerikës.
Postimi i plotë
Ambasadori Jeffry Hovenier – një lider vizionar dhe mik i përkushtuar i Kosovës
Në emër të Federatës Panshqiptare të Amerikës “VATRA”, shprehim mirënjohjen dhe respektin më të thellë për Ambasadorin e Shteteve të Bashkuara të Amerikës në Kosovë, z. Jeffry Hovenier, i cili përfundon një mandat të jashtëzakonshëm si përfaqësues i një prej partnerëve më të rëndësishëm të Kosovës, Shteteve të Bashkuara të Amerikës.
Trashëgimia që lë pas ky diplomat vizionar do të kujtohet gjatë si një periudhë mbështetjeje të palëkundur, urave të reja të miqësisë dhe diplomacisë ndërtuese për vendin tonë dhe rajonin.
Z. Hovenier ka qenë një figurë unike në shërbimin diplomatik amerikan, i pajisur me një kuptim të thellë të realitetit politik dhe sfidave me të cilat përballet Kosova dhe rajoni i Ballkanit.
Që nga emërimi i tij si ambasador në dhjetor të vitit 2021, ai ka qenë një zë i fuqishëm për përparimin e dialogut Kosovë-Serbi dhe për ndërtimin e një të ardhmeje paqësore dhe të qëndrueshme për të gjitha komunitetet që jetojnë në Kosovë. Me angazhimin e tij të paepur, ai ka kontribuar në përpjekjet për të zbutur polarizimet politike, për të nxitur kohezionin social dhe për të zgjeruar perspektivat e Kosovës drejt integrimeve euroatlantike.
Puna e Ambasadorit Hovenier gjatë këtyre viteve ka qenë një shembull i shkëlqyer i një diplomacie të orientuar drejt rezultateve, duke ndihmuar në forcimin e institucioneve demokratike të Kosovës dhe promovimin e një mjedisi më të sigurt dhe më të qëndrueshëm.
Ndër angazhimet e tij të shumta për dhe rreth Kosovës, procesi i dialogut Kosovë-Serbi ka marrë një vëmendje të shtuar, duke përgatitur terrenin për një marrëveshje reciproke që do të ndikojë drejtpërdrejt në përmirësimin e stabilitetit ekonomik dhe politik të vendit dhe hapjen e perspektivave për integrime euro – atlantike.
Federata Panshqiptare e Amerikës “VATRA” është krenare që ka pasur mundësinë të bashkëpunojë me një diplomat të tillë të pashoq, i cili ka ndërtuar aleanca të qëndrueshme dhe ka treguar një ndjeshmëri të thellë ndaj aspiratave të popullit shqiptar. Përkushtimi i tij i sinqertë për paqen, drejtësinë dhe zhvillimin ka frymëzuar një brez të ri liderësh dhe qytetarësh, duke e forcuar pozicionin e Kosovës në skenën ndërkombëtare.
Teksa Ambasadori Hovenier i jep fund një karriere mbi 30-vjeçare të përkushtuar ndaj shërbimit diplomatik, ne shprehim falënderimet më të sinqerta për udhëheqjen e tij të jashtëzakonshme dhe miqësinë e tij të çmuar. Miqësia dhe bashkëpunimi që kemi ndarë gjatë kësaj kohe do të mbeten një testament i marrëdhënies së veçantë mes popullit shqiptar dhe Shteteve të Bashkuara të Amerikës.
VATRA mbetet e përkushtuar për të ndjekur vizionin drejt së ardhmes dhe për të vazhduar ndërtimin e urave të bashkëpunimit dhe mirëkuptimit në interes të Kosovës dhe të gjithë rajonit.
Ambasador Hovenier, ju falënderojmë për gjithçka që keni bërë dhe ju urojmë suksese të mëtejshme në çdo hap të jetës dhe karrierës suaj të ardhshme. Respekti ynë i ndërsjellë do të mbetet një bazë e fortë për miqësinë dhe bashkëpunimin tonë në të ardhmen.
Me konsideratat më të larta dhe mirënjohje të thellë, Kryetari i Federatës Panshqiptare të Amerikës “VATRA”, Dr. Elmi Berisha
