Luizi u shpreh i zhgënjyer me Jorin, për shkak se kjo e fundit votoi Deamishelin për lidere të shtëpisë. Ai i tha Jorit se ajo vetë i tha që do jetë krahu i djathtë i tij në shtëpi, por me këtë gjë bëri, tregoi të kundërtën.

Luizi shtoi se Jori i tha vetë atij që do të votonte Fotininë. Sipas Luizit, Olta dhe Dean duan që të nxjerrin banorët e ri jashtë, prandaj ajo tani është e rrezikuar.

Ky i fundit shtoi se Dea po bën lojën e Armaldos, duke qëndruar një herë me të, e një herë me Oltën, në interes të lojës së saj.

Jori tha se ajo e mban fjalën që jep dhe se nuk del asnjëherë nga fjala, por i kishte dhënë fjalën Deas. Ajo e pyeti Luizin që përse ai nuk e sqaroi këtë gjë më parë, por Luizi tha se mendoi që Jori e kuptoi mesazhin e tij.

Çështja e papastërtisë dhe rrëmuja e vazhdueshme në shtëpi, ka krijuar sërish debat mes banorëve. Mungesa e organizimit dhe neglizhenca e disa prej banorëve, bëri që Fotini të ngre zërin dhe të kërkoi që gjithësecili t’i sistemojë gjërat e veta.

Edhe Luizi kishte “rezerva” sa i përket papastërtisë në shtëpi. Ai në fakt është njëri prej banorëve që thuajse çdo ditë bën punë shtëpie. Të paktën verandën e pastron gjithmonë dhe filxhanët e kafesë i lan në mëngjes.

Kjo nuk është hera e parë që banorët diskutojnë dhe ngrejnë zërin sa i përket rrëmujës në shtëpi.

Debatet për një çështje të tillë janë të shpeshta dhe shumë herë është vënë re mungesa e organizimit, ndonëse çdo javë në shtëpi caktohet një lider për mirëmbajtjen e ambientetit dhe për ndarjen e punëve

Pasi Dea u zgjodh lidere e shtëpisë, Olta i tha asaj të bëjë lëmsh të gjithë shtëpinë. Kjo e fundit i tha Deas të propozojë idetë e saj, e më pas ata t’i zmadhojnë sa munden.

Dea tha se ajo nuk ka ndonjë ide për momentin, ndërsa Olta propozoi që ajo fillimisht të mbledhë të gjitha vajzat për të pirë një çaj, duke qenë se ato janë ftohur me njëra-tjetrën, ditët e fundit.

Olta i tha Deas se Luizit i iku truri kur mori vesh që ajo u zgjodh lidere e shtëpisë. Ajo madje shtoi se Luizi gjërat që bën i ka fiktive dhe se çdo lëvizje, e  bën në interes të tij.

Ajo madje shtoi se Luizi po e mban Dean pranë, që ajo të bëjë atë që i thotë ai.

Teksa po bisedonin në dhomën e ndjenjes, Olta dhe Dea u përqafuan me njëra-tjetrën dhe u përfshinë në lot.