Dashi

Sot do mundoheni me çdo mënyrë ta thyeni rutinën dhe të bëni diçka të veçantë. Urani do ju gjendet pranë dhe do ua zbukurojë çdo çast. Nëse keni një lidhje dhe së fundmi keni pasur mosmarrëveshje sot situata do përmirësohet orë pas ore. Ju beqarët do jeni më të vendosur se kurrë të realizoni disa takime prej të cilave shumë shpejt do fillojë një lidhje serioze. Në punë nuk do ju mungojnë idetë, por nuk do ndiheni shumë të kënaqur me ato që do arrini. Do ju mungojë paksa guximi dhe do keni frikë mos gaboni. Me financat keni për të qenë me të kujdesshëm dhe do jeni të mbrojtur nga problemet

Demi

Sot, falë ndikimit të Neptunit, do dini si të veproni në çdo moment dhe nuk do bëni gabime. Nën ndikimin e madh të Venusit, ju të dashuruarit do iu jeni edhe më sensualë se më parë. Do kaloni momente të paharrueshme pranë partnerit saqë do doni që dita të mos mbaronte. Për ju beqarët do mbizotërojë një klime e qetë. Nga mbrëmja do keni një takim interesant. Në punë do jeni nervozë dhe do keni frikë të tentoni. Herë pas here mund të keni edhe debate me kolegët dhe atmosfera do tensionohet më shumë. Influenca e planetëve në planin financiar do jetë pozitive. Të ardhurat do fillojnë të rriten ndjeshëm.

Binjakët

Sot do keni tendencë ta shihni çdo gjë me ekzagjerim dhe kjo mund të sjellë disa pasoja. Nëse keni një lidhje mos kërkoni nga tjetri gjëra ekstreme dhe në disa momente mos e teproni me xhelozinë pasi do digjeni. Më e mira është ta merrni çdo gjë shtruar. Ju beqarët do bindeni lehtësisht nga disa miq dhe do nisi të joshni disa persona njëherësh pa u interesuar shumë se kush janë ata në të vërtetë. Keni për të bërë gabime të njëpasnjëshme. Në punë nuk do rreshtin vështirësitë aq sa ndonjëherë do mendoni të braktisni gjithçka. Financat do jenë disi më të qëndrueshme.

Gaforrja

Nuk do pëlqeni aspak të jeni inaktivë sot dhe do keni dëshirë të provoni çdo lloj sfide. Mërkuri do jetë planeti që do iu premtojë ju të dashuruarve shumë kënaqësi, por nga ana tjetër ju do tregoheni mjaft idealistë. Ngritja e partnerit në piedestal më shumë sesa duhet mund të sjellë zhgënjime më vonë. Nëse jeni beqarë do takoni dikë, i cili do iu lerë me gojë hapur. Bukuria e tij nuk është vetëm në pamje, por edhe në shpirt kështu që mos e lini t’iu ikë nga duart. Në punë nuk do ju pëlqejë shumë kur iu jepen urdhra, por nuk do keni nga t’ia mbanë. Me pak durim dhe përpjekje do arrini ku doni. Për buxhetin duhet të kujdesuni më shumë dhe nuk duhet të ëndërroni gjëra të paarritshme.

Luani

Do keni shumë vullnet gjatë kësaj dite dhe për ju asgjë nuk do jetë e pamundur. Marrëdhënia me ata që keni pranë do jetë e jashtëzakonshme. Ndikimi i Diellit do jetë shumë pozitiv dhe do sjellë harmoninë në lidhjen që keni krijuar. Jeta juaj ka për të qenë e larmishme dhe do argëtoheni mjaft. Për ju beqarët i njëjti planet do iu nxitë të bëni cmendurira. Kujdes mos e teproni me asgjë sepse mund të pendoheni më vonë. Në punë duhet patjetër t’i ngjitni shkallët një e nga një pasi po nxituar do rrëzoheni e do vriteni. Fati nuk do jetë në anën tuaj në planin financiar. Do keni disa tronditje kështu që merrni masat e duhura pa qenë vonë.

Virgjëresha

Në shumicën e kohës do jeni me nerva sot dhe nuk do i mbani dot as fjalët. Në disa raste mund të thoni edhe gjëra vërtet të gabuara. Klima yjore, me ndikim të madh nga Neptuni nuk do favorizojë aspak jetën tuaj në çift. Marrëdhënia me partnerin do të ftohet dhe do keni disa mosmarrëveshje. Nëse jeni beqarë do filloni aventura sekrete. Në fakt si fillim fshehtësia është shumë e mirë sepse do ju bëjë të përjetoni edhe emocione më tepër. Në punë gjërat do jenë më të vështira sepse i keni ndërlikuar vetë me kokëfortësinë tuaj. Tregohuni pak më të matur dhe kërkoni ndihmë kur t’iu nevojitet. Me financat duhet të tregoheni më vigjilentë. Fatmirësisht yjet do ju bëjnë të qëndroni me këmbë në toke dhe do merrni masat e duhura.

Peshorja

Mirë është të mos tregoheni impulsivë gjatë kësaj dite dhe të mos reagoni pa u menduar mirë. Marrëdhënia me të tjerët nuk ka për të qenë si duhet. Ju që keni një lidhje do kaloni një krize. Mundohuni të bëni herë pas here lëshime sepse përndryshe nuk do dilni nga andralla ku jeni futur. Ju beqarët do takoni dikë, por historia që mund të filloni do jetë paksa e ndërlikuar dhe pështjelluese. Tregohuni të kujdesshëm sepse bëhet fjalë për të ardhmen tuaj. Në punë askush nuk do i dëgjojë opinionet që do jepni dhe kjo do ju brengosë më shumë se çdo gjë. Ambienti planetar do iu bëjë më të aftë për të menaxhuar ashtu si duhet buxhetin. Do jeni më të qetë edhe kur të shpenzoni.

Akrepi

Ditë më e bukur do jetë kjo e sotmja dhe gjërat kanë për t’iu ecur më mirë sesa kishit menduar. Nëse keni një lidhje, ato që keni pritur te përjetoni për aq shumë kohë do të ndodhin sot. Do flisni për çdo gjë dhe do merrni edhe vendime të përbashkëta. Për ju beqarët dita do jetë e mrekullueshme. Mundësitë për të takuar personin tuaj të ëndrrave do jenë të shumta. Në punë mos e ulni kokën asnjëherë dhe tregohuni krenarë për çdo gjë që keni arritur. Në fund të fundit gjithçka është realizuar me mund e sakrifica. Në planin e financave duhet të tregoheni të arsyeshëm edhe pse në përgjithësi çdo gjë do shkojë mirë.

Shigjetari

Nuk do ju pëlqejë aspak padrejtësia sot dhe do luftoni fort kundër kësaj gjëje. Në disa momente mund të kaloni edhe situata të tensionuara. Ju të dashuruarit duhet të bëni kujdes nga paqëndrueshmëria. Nën ndikimin negativ të Uranit ju mund të refuzoni kategorikisht të bëni lëshime dhe kjo do sjellë probleme. Ju beqaret nuk do keni fare dëshirë të sakrifikoni lirinë tuaj, por një person i veçantë që do shfaqet papritur do ju turbullojë. Në punë ka rrezik të debatoni ashpër me disa kolegë që janë munduar t’iu mashtrojnë dhe ju kanë dëmtuar në rrugën që keni nisur. Flisni edhe me shefat për gjërat që ju shqetësojnë. Saturni do favorizoje financat dhe ju do mund të realizoni edhe shpenzime. Besojuni edhe lojërave të fatit.

Bricjapi

Sido që të vijnë gjërat sot duhet t’i shprehni pikëpamjet tuaja ju pëlqejnë apo jo atyre që ju rrethojnë. Mos e ndrydhni veten për asnjë çast. Nën ndikimin shumë të madh të Saturnit ju që keni një lidhje do kaloni një dite pak të lodhshme dhe pa emocione. Do keni edhe disa keqkuptime dhe tension prandaj duhet të bëni kujdes. Ju beqarët do josheni mjaft nga dikush, por nuk do shfaqni asnjë shenjë para tij. Në fakt për t’u dukur më interesantë është më mirë të tregoheni pak indiferentë në fillim. Në punë do ju mungojë diplomacia dhe mund të bëni gabime. Shefat do ju kritikojnë dhe mund t’iu heqin nga duart disa projekte. Ekuilibri financiar do jetë paksa i dobët. Merruni më seriozisht me këtë sektor.

Ujori

Në disa momente edhe mund të rebeloheni sot dhe mund të thoni gjëra pa vend në inat e sipër. Dijeni se çdo hap ka pasoja. Ju që keni një lidhje mos u tregoni shumë mosbesues kundrejt partnerit. Nëse e kontrolloni çdo çast dhe në çdo hap që do hedhë ai edhe mund të mërzitet. Ju beqarët do filloni të pëlqeni një koleg pune. Edhe ai ka kohë që iu simpatizon. por nuk ua ka shprehur nga frika se mund të humbë edhe miqësinë tuaj. Në punë duhet të zbatoni ato që do ju kërkohen dhe nuk duhet të bëni asgjë sipas mendjes tuaj pasi do merrni vërejtje. Dita e sotme do jetë e mrekullueshme për sektorin financiar. Gjithsesi mos u tregoni aspak impulsive kur të shpenzoni.

Peshqit

Jupiteri do jetë ogur i mirë në jetën tuaj. Ai do iu bëjë më optimistë dhe do ju ndihmojë ta vlerësoni më shumë veten. Ju të dashuruarit do gjeni lumturinë e kërkuar dhe së bashku me partnerin tuaj të dashur do zbuloni emocione të reja. Bashkëpunimi dhe mirëkuptimi do të rriten. Ju beqarët do tërhiqeni mjaft nga dikush, por duhet të mos nguteni. Mendohuni mirë dhe qartësohuni njëherë me veten para se të hidhni hapa. Në punë do i arrini të gjitha objektivat edhe pse në disa raste do gjendeni në vështirësi të mëdha. Nuk do ju mungojë guximi dhe besimi në vetvete. Për buxhetin kujdesuni më shumë dhe filloni të hiqni disa lek mënjanë sepse do iu duhen.

Qeveria gjermane miratoi projektligjin e ri për migracionin. Ndër të tjera aty parashikohet dyfishimi i kontingjentit të rregullores së Ballkanit Perëndimor. Gjithashtu rregullorja do të bëhet pa afat.

Gjermania synon të lejojë në të ardhmen mbi 50 mijë punëtorë të pakualifikuar nga Ballkani Perëndimor që të vijnë për të punuar në Gjermani. Këtë e miratoi qeveria gjermane të mërkurën (29.03.2023) në kuader të projektligjit të ri të migrimit të fuqisë punëtore. Ministri gjerman i Punës, Hubertus Heil, tha në konferencën e shtypit në Berlin se ky kontingjent do të dyfishohet nga 25.000 që është aktualisht në maksimumi 50 mijë vetë në vit. Por ministri shtoi se ka plane që kjo rregullore të zgjerohet edhe për vende të tjera.

Rregullorja e Ballkanit Perëndimor ekziston që nga viti 2015 dhe u mundëson shtetasve të gjashtë vendeve të BP (Shqipëri, Bosnjë-Hercegovinë, Kosovë, Maqedoni e Veriut, Mali i Zi dhe Serbia) qasje të privilegjuar në tregun gjerman të punës, pavarësisht nga kualifikimi që kanë.

Parakusht për të marrë vizën e punës është një kontratë pune e rregullt në Gjermani. Nuk nevojiten as njohuri të veçanta të gjuhës gjermane. Rregullorja e Ballkanit Perëndimor është në fuqi deri në fund të vitit 2023, por në draftin e ri të ligjit të migracionit është parashikuar që ajo të bëhet pa afat. Sipas Burimeve të DW deri më 31 dhjetor 2022 në Regjistrin Qendror të të Huajve, (AZR), figuronin rreth 62.000 imigrantë me leje qëndrimi në bazë kësaj rregulloreje.

Njohja e diplomave mund të bëhet edhe në Gjermani

Por drafti i prezantuar nga Ministri gjerman i Punës dhe Çështjeve Sociale Hubertus Heil dhe ministrja e Brendshme Nancy Faser përmban edhe risi të tjera.

Sipas ministrit Heil të huajve nga vendet e treta do t’u ofrohen tri mënyra për të ardhur në Gjermani: nëpërmjet kualifikimit, përvojës së punës dhe sistemit të pikëve. E para  ekzistonte edhe me parë, në ligjin e migracionit të fuqisë së kualifikuar, që kishte hyrë në fuqi para pandemisë. Por drafti i ri i koalicionit të qendrës së majtë ka bërë disa lehtësime:

• Kështu për shembull, është ulur paga minimale vjetore që nevojitet për të marrë kartat blu: Për momentin ajo është 49.581 euro, duke përbërë kështu 1,25-fishin e pagës vjetore mesatare bruto në Gjermani. Për të rinj dhe me më pak përvojë madje nën 40 mijë euro.
• Veç kësaj, kush ka mbaruar një shkollë të lartë ose një shollë profesionale prej së paku dyvjeçare, ka të drejtë të vijë për të kërkuar punë në Gjermani, edhe pa e bërë njohjen e kualifikimit qysh në vendlindje. Procedura e njohjes së kualifikimeve ka qenë një nga pengesat kryesore të deritanishme për ardhjen e fuqisë punëtore të kualifikuar në Gjermani.
• Përveç kësaj personave të kualifikuar do t’u lejohet të punojnë në çfarëdo profesioni, pavarësisht nga kualifikimi që kanë.
• Si kualifikim do të quhet jo vetëm kualifikimi arsimor, Edhe përvoja e punës do të luajë rol në njohjen e kualifikimit.

Sistemi i pikëve ose karta e shanseve, më në fund realitet

Por risia kryesore e këtij ligji, ajo që i bën krenarë dy ministrat socialdemokratë që prezantuan draftin, është sistemi i pikëve, ose Karta e  Shanseve (Chancenkarte), .

Ngjashëm me sistemin kanadez të migrimit, Karta e Shanseve jep mundësi migrimi në Gjermani edhe në bazë të një sistemi pikësh bazuar në katër kritere: njohja e gjuhës, përvoja profesionale, mosha dhe lidhja me Gjermaninë.

Sipas draftit, mjaftojnë gjashtë pikë për të marrë një vizë njëvjeçare dhe për të kërkuar punë në Gjermani. Si mund të mblidhen ato?

• Katër pikë për një kualifikim profesional.
• Tri pikë për përvojën e punës
• Tre pikë për njohuri të mira të gjermanishtes.
• Dy pikë për njohuri të mjaftueshme të gjermanishtes
• Dy pikë për moshën e re (nën 35-vjeçare) ose
• Dy pikë për përvojë pune deri dy vjet.
• Një pikë për lidhjet me Gjermaninë, pra, nëse ke qëndruar më parë në Gjermani për së paku gjashtë muaj.

Ministrja e Brendshme, Nancy Faeser, tha se me këtë kemi krijuar një ligj të ri modern migracioni.  Faeser kritikoi qeverinë e mëparshme, kryesisht krahun konservator të saj, që e nuk e kishte lejuar ta realizonte këtë që më parë, por në vend të saj kishte jetuar me një siç e quajti ajo “gënjeshtrën e përhershme se Gjermania nuk qenka vend migrimi”.

Strategji për të luftuar mungesën e fuqisë punëtore

Projektligji i ri është pjesë e një strategjie të re të qeverisë për të përballuar mungesën e fuqisë punëtore, e cila tani po shqyrtohet nga komisionet përkatëse në Bundestag. Ai parashikon përveç shfrytëzimit te potencialit të fuqisë punëtore brenda vendit, duke rritur ofertat e trajnimeve profesionale për të rinjtë që lënë shkollën, përmirësuar kushtet e punës për nënat me fëmijë, apo duke rritur shanset për punësimin e refugjatëve apo azilkërkuesve të refuzuar.

Në një studim i Dhomave të Tregtisë dhe të Industrisë që u prezantua në mes të janarit në Berlin, Gjermania që tani ka 2 milionë vende pune të pazëna. Nga kjo mungesë punëtorësh ekonomia më e madhe e Evropës ka 100 miliardë euro më pak të ardhura kombëtare në vit. Situata përkeqësohet nga viti në vit:

Sipas projektligjit të ri të migracionit, përllogaritet që në bazë të këtyre ndryshimeve në Gjermani të vijnë mesatarisht deri në 75.000 vetë si fuqi punëtore e kualifikuar në vit. Këtyre u shtohet edhe kontingjenti i Ballkanit Perëndimor, me 50 mijë punëtorë në vit.

Për shumë ekspertë kjo shifër nuk i plotëson aspak nevojat e Gjermanisë për fuqi punëtore, Ekspertët përllogarisin se Gjermanisë i duhen 400.000 imigrantë të kualifikuar në vit.

Por ministri i Punës tha se nuk duhet harruar se pjesa më e madhe e fuqisë punëtore të kualifikuar vijnë nga vendet e BE-së, që nuk kanë nevojë për vizë pune. Numri i përgjithshëm i imigrantëve neto në vitin  2019 para pandemisë, ka qenë 350 mijë vetë.

Nga njëra anë për shkak të hartës demografike të vendit: në 15 vjetët e ardhshëm një e treta e të punësuarve aktualë do të dalin në pension. Por edhe për shkak të ndryshimeve strukturore të shkaktuara nga digjitalizimi, si dhe ndryshimeve për shkak të pandemisë së koronës dhe luftës në Ukrainë. /DW/