Policia ka identifikuar autorin e dyshuar të vrasjes së Arjan Gosës, i cili u ekzekutua pasditen e sotme (21 maj) në ambientet e një lokali, teksa po pinte kafe me babain e tij.
Sipas News24, autori i dyshuar është Habib Rexha, 31 vjeç.
vijon
Humbje dërrmuese për SYRIZA-n/ Tsipras uron për fitoren Mitsotakis, Demokracia e Re siguron mbi 40% të votave
Kreu i SYRIZA-s në Greqi, Alexis Tsipras ka pranuar humbjen dhe ka uruar për fitoren rivalin e tij të Demokracisë së Re, Kyriakos Mitsotakis.
Tsipras mbërriti në selinë e partisë rreth orës 21:00. Edhe pse me një rezultat të dobët, ai është pritur me duartrokitje nga mbështetësit e tij
Ndërkohë kur janë numëruar 71% të kutive të votimit, Demokracia e Re e kryeministrit Mitsotakis ka marrë 40,83%, ndërsa SYRIZA 20,7%.
Forca e tretë zgjedhore është PASOK/Lëvizja Ndryshim me një përqindje prej 11.82%, e ndjekur nga KKE me 7.09% dhe Zgjidhja Helenike me 4.5%.
“SONTE ORËN DUA TA NDAL”/Cikël poetik me 12 poezi nga Tomor Kotarja, marrë nga vëllimi “Stuhi yjesh”
Nga Tomor Kotarja
Sot po sjellim nje cikel me poezi te Tomor Kotares nga libri “Stuhi Yjesh”.
DREJT TEJE
Fluturim nisem drejt teje
Dashuria ime
Si pëllumb flatrabardhë
Dashuria ime,
Tej malit të hirtë
Tej detit trazuar
Tej zjarreve të akullta
Tej ishujve vetmuar.
Perëndi e dashurisë
Gatuar me lot
Me zjarr përvëluar!
Dashuria ime
Stuhi yjesh të dielltë!
SONTE ORËN DUA TA NDAL
Sonte, dua të dehem
Sonte dua kujtimesh të humbas
Sonte, dua shi të bjerë
Sonte dua të rrjedh lumë
Vera e bardhë.
Çastet sonte në zemër dua t`i fiksoj
Orën në mur dua ta ndal
Aromëm e yjeve të marr në krahëror
Të dehem me fjalë.
Sonte gotat dua t`i rrëkëllej me fund
Shpirtin plagë ta mjekoj
Vlagës në gjoks, t`i hedh pakëz nektar
Yjet i dua të ndizen zjarr.
Kjo natë sonte nuk dua të mbarojë
Orët e saj, borxh të m`i japë
S`e dua t`ia them botës me zë të lartë
Jam unë, njeriu me fat!
Sonte çastet i ndezën në vatra zjarret
Shpirtin me flakë ma shëruan
Mbi buzë, të etura mbetën fjalët
Si ditën e parë që u dashuruam.
Sonte gjumi më mori si fëmi në gjirin tënd
Sonte, të dy e ndalëm kohën
Të putha syrin, më puthe shpirtin përvëlim
Se dashuria ime mban gjallë botën.
Sa dua këtë mëngjes,
Të mos kishte zgjim!
Të dy…
Të dehur…
Në përqafim…
PËR DASHURINË TIME
Për dashurinë time,
Zjarret le të digjen
Detet le të ndizen
Malet le të shemben
Yjet le të fiken .
Zemrat, thërrime të bëhen
Dhimbja në lak le të shkojë
Ziliqarët të gremisen honeve
Me zjarrin e shpirtit i sfidoj
Nëse mundet,
Edhe toka le të çahet
Dielli perëndimeve le të shuhet
Qielli le të ndërrojë bojë
Vdekja le të vdesë,
Memece, e pagojë!
Të flasin gojët llafazane
Rruga le të flasë
Guri të pëlcasë!
S`kam frikë të ndizem vullkan
Të fortë si lisat janë krahët e mi
Nuk ndalem pritash, kurrsesi!
Zjarre vullkanesh,
Ishuj smeraldesh,
Anije piratësh,
Guxoj të rrëmbej.
Për Dashurinë time,
Ç`gjej përpara,
Copëtoj e thej!
Dashuria ime,
Jam skllavi yt
Para teje, nuk di të gënjej.
NË KAFENE
Rrezet e Diellit
Mbi filxhanin e kafesë
Formojnë ishuj të vegjël
Vëzhgoj magjepsur figura abstrakte.
Një herë,
Më ngjajnë me flokët e tu
Një herë,
Me flokët e nënës
Një herë me sytë e sime bije.
Pastaj,
Më bëhen
Ndërtesa me shumë kate.
Mes rërës së nxehtë
Plazhistët pinë kafe
Më tutje, një grua lexon filxhanin.
Vetpunësim,
Pa detyrim tatimor
Pa fonde për shtetin
Kosto minimale!
TË DUA ARBËRI
Të dua Arbëri,
Të dua Ty, jo vajzën me emrin tënd
Ty i shtrenjti vendi im
Të ëmblin çdo pëllëmbë.
Me ler të ta them sa të dua
Arbëria ime më je derman
Je toka ku kam rrënjët e degët
Ku rrënjët kanë të parët tanë.
Të thërras me zë të plotë, ta dëgjojë qielli
Hënë e diell ta dëgjojë
Të tunden malet, të dehen mallet
Me asgjë në botë s`të krahasoj!
Perëndi e Olimp ta marrin vesh
Dete e lumenj që të përshkojnë
Në zemër e mbaj moj ylleshë!
Flamurin tënd me shqiponjë!
E bukura ime Arbëri
Shpirtin ma mbush e zemrën ma gufon
Çdo pikë uji, çdo gur e plis
Bukuri qiellore që mbretëron.
Mos u trishto o Zonjë Dardane
Se trupin grabitqarët ta kanë grisë
Dita e së vërtetës ka me ardh
Arnat e shekujve, me ti qëndisë!
Të desha, të dua, e do të të dua
Ti, më e bukura, e imja dashni
Se unë e ti, robërinë s`e duam
Të kam nën lëkurë, Zonja Arbëri!
PUTHMË
Puthmë Jezercë
Puthmë Sazan
Puthmë o Det
Puthmë e merrmë në gji
O dashuri oqean!
Puthmë Tomorr
O mal i shenjtë
Puthmë Dumre
Pllajë lozanjare
Puthmë Valbonë
Puthmë o breg
Siç di të puthë një shtojzavalle
Puthmë o bjeshkë
Korab e kurorë
Puthmë Gjallicë
Stolisur me borë
Më lag shpirtin, ujvarë e Thethit
Më lagni dhe ju, Drin e Ohër
Më lag dhe ti, Bunë lundruese
Që m`fton me zemër të ulem në sofër.
Puthmë e lagëm
Ani!
S`kam merak
Dashnia për ju
Më ka zënë lak.
PULBARDHA DHE SHKËMBI
Një shkëmb
Të moçëm
Kam përballë.
Më tej një lumë
Shtratin e tij
Një dallgë e zemëruar shkumëzon
Me dhëmb, mbi shkëmb
Bën dashuri.
Bën dashuri dhe dashuron!
Diku më tej
Një pulbardhë
Vitet mbi shpinë
Zë ia numëron
Shkëmbi nuk tundet,
Kurrsesi!
N`liri t`jetojë
I mjafton.
DASHURI HYJNORE
Mos u fshih njeri, drizash e ferrnajash
Mos kujto se shkoi dielli e u err
Botës i bën roje një Zotni
Që të sheh, kur frymë jep e merr.
Le ta heqim maskën e përdalë
Që njerëzinë anembanë vesh e mbulon
Në rrugë të drejtë po të ecim
Mbi kokë është Zoti që na mbron.
O krijues i Allahut
Përkujdesi i Padishahut
Qënia jote gjithësinë mbretëron
Tek ti, gjejmë shërimin
Tek ti, gjejmë shpëtimin
Tek ti, gjejmë forcën që na mbron!
QYTETIT TIM
Qytet i dashtun
Je kaq hyjnor
Gjallicën trime
Ke për kurorë.
Në prush, e gatove LIRINË
E lage shtatin me uji Drini
Me zjarr ushqeve dashurinë
Me besë të fortë si Kostandini.
Përflakur rrënjë e taban
Mbrojtur me gjak t`shenjtin vatan
Për guxim e burrëri
Je ti moj Lumë, llavë e vullkan!
FLAS ME RËRËN
Rërës së plazhit
I fola njëherë
Sa breza të shkelën
Ti s`bëre zë
Prite një palë
Përcolle të tjerë
Edhe ata, që s`janë më.
Jeta merr shije në tharmin tënd
Kush nuk të deshi
Kush nuk u çmend
Mbete ilaç për çdo brez
E vlerë si vera
Musht e pekmez
Një herë të vetme
Nuk derdhe lot
Jetë e stinë,
Shkojnë çdo mot…
FOLEZË
Ahishte, akacie, dushk e lajthi
Kumbulla të kuqe plot hijeshi
Kajsi e ftua, rrush kokërr inxhi
M`tregojnë ku kam lënë, folëzën shtëpi.
Kaloj përmbi urën n`vetmi të mbetur
Mulliri vjetër më ndjell si melodi
Me shikim të tretur, kërkoj rininë e ikur
Më duket e plakur, rruga për n`shtëpi
Malet dhe lugjet, m`duket se vajtojnë
Vajin ua ndi, sa herë vijmë e shkojmë
S`ka më këngë e valle, gaz e alegri
E shurdhët më duket, rruga për n`shtëpi
Foleza e fëmijërisë, e shtrenjtë më je
Kur dhimbje të kesh, e plakur të jesh
Sa frymë të kem, e gjallë të jem
Në krahë do të marrë, e ëmbla folezë.
I DESHA YJET
Yjet i mblodha
Grusht në një dorë,
Desha me ta të thurja
Më t`hijshmen kurorë
Duke u dridhur
Më shihnin në sy
Ndjeheshin të vegjël
Ndjeheshin fëmi.
Lotësh më përgjëroheshin
Qëniet e gjora
Burgu i tyre
Po bëhej kurora.
Andaj, nëse dua
Dritë t`më bëjnë prap
Qiellit t`i lëshoj
T`i nxjerr nga ky çark.
T`i shoh tek marrin rrugën
Tutje në perëndim
Kur muzgun pikturojnë
Plot nur e shkëlqim.
Pasi i lashë të lirë
Me veten nisa qesha
Ç`më duhej kurora
Për princa e perëndesha?
Dy vëllezër të ekzekutuar brenda një periudhe të shkurtër, Arjan Gosa u vra me një plumb në kokë në sy të të atit. Ndërsa Edmondi…
Arjan Gosa, u ekzekutua pasditen e të dielës në qytetin e Kavajës. Ai po pinte kafen në një lokal në lagjen numër 1 në Kavajë, ku rreth orës 18:30 një person ende i paidentifikuar e ka qëlluar me një plumb pistolete në kokë duke e lënë të vdekur në vend.
Burime te startnews, bëjnë të ditur se Arjan Gosa, ishte nën shoqërinë e të atit në momentin kur iu bë atentati, ndërsa personi që e ka qëlluar është larguar në këmbë nga vendi i ngjarjes. Dyshohet se autori e ka ndjekur prej kohësh Arjan Gosën dhe i dinte lëvizjet e tij.
Arjan Gosa, është vëllai i Edmond Gosës, i cili pak javë më parë mbeti i vrarë pas një sherri në Kavajë. Në këtë sherr po ashtu i vrarë mbeti edhe Altin Rexha nga Kukësi. Sherri mes Edmons Gosës dhe Altin Rexhës, nisi për motive banale dhe ofendime.
PISTA E HETIMIT
Pista kryesore ku po heton policia është ajo e hakmarrjes nga ana e fisit Rexha. Në mars të këtij viti, Edmond Gosa qëlloi disa herë me thikë shtetasin Altin Rexha, ndërsa ky i fundit iu kundërpërgjigj me armë zjarri duke përfunduar të dy të vdekur.
VRASJA E EDMOND GOSËS DHE ALTIN REXHË
Edmond Gosa dhe Sali Rexha u takuan për t’u sqaruar në lidhje me një konflikt të mëparshëm, por gjithçka përfundoi në mënyrë tragjike, me vrasjen e të dy personave.
Ngjarja ndodhi pranë banesës së Rexhës, i cili ishte edhe i shoqëruar nga djali i tij i mitur kur ka shkuar të takojë Gosën me qëllimin për të sqaruar konfliktin mes të dyve.
Fillimisht të dy janë konfliktuar verbalisht e më pas situata ka degraduar në dhunë fizike për të shkuar deri te përdorimi i armëve të cilat i morën jetën të dyve, ku Gosa e ka qëlluar me thikë Rexhën, i cili është përgjigjur dukë shtënë me armë mbi 3 herë drejt 43-vjeçarit.
Të dy viktimat ishin me precedentë të mëparshëm penalë dhe shkak i sherrit që përfundoi me vrasje ishin motive banale.
U qëllua në sy të babait/ Kush është problematiku i Kavajës, Arian Gosa, në vitin 2012 masakroi me thikë një 41-vjeçar
Arian Gosa, i cili u ekzekutua pasditën e sotme në Kavajë me pistoletë nuk është emër i panjohur për policinë. Ai u qëllua në kokë, teksa po pinte kafe me babanë e tij në një lokal në Kavajë.
Por kush është Arian Gosa?
Arian Gosa është vëllai i Armand (Edmond) Gosës, i cili mbeti i vrarë dy muaj më parë në Kavajë. Edmondi u konfliktua me Altin Rexhën, pasi ky i fundit e kishte parë atë. Më pas Gosa e quajti Rexhën malok dhe se nuk ka punë në Kavajë. Kjo solli një përleshje të tyre, ku njëri me thikë dhe tjetri me armë, arritën që të vrisnin njëri-tjetrin.
Por Arian dhe Armand Gosa nuk ishte hera e parë që përfshihej në një ngjarje kriminale. Para 11 viteve në qytetin e Kavajës, në vitin 2012 të dy vëllezërit masakruan me thika një të ri. Viktima Gentjan Gjuzi në atë kohë humbi jetën pak muaj më vonë në spitalin e neurokirurgjisë. Sherri në atë kohë lindi për një shikim dhe solli për pasojë humbjen e jetës së babait të dy fëmijëve, 41-vjeçarit Mentor alias Gentjan Gjuzi.
Ja çfarë shkruante Prokuroria?
Më datë 20.11.2012, ora 09.45 minuta në Lagjen Nr.2, Kavajë, dy vëllezërit Arian Gosa dhe Armand Gosa, pas një grindjeje që njeri prej tyre dhe pikërisht i arrestuari Arian Gosa kishte patur një ditë më parë me të dëmtuarin Gentian Gjuzi për motive të dobëta rrugaçërie, janë konfrontuar përsëri me këtë shtetas, në momentin kur ai po dilte nga dyqani i shtetasit Julian Karriqi. Në grindje e sipër, sipas deklarimeve të dëshmitarëve okular, të dy vëllezërit Arian dhe Armand Gosa kanë nxjerrë të dy nga një thikë nga xhepat e xhupave të tyre dhe me to kanë goditur të dëmtuarin Gentian Gjuzi në pjesë të ndryshme të trupit duke i shkaktuar dëmtime serioze për jetën.
Këtë të fundit e kanë kanë trasportuar në gjendje të rëndë për trajtim mjeksor të specializuar në Spitalin Qëndror Ushtarak Tiranë, ku është shtruar menjëherë në reanimacion, ku ka qëndruar i shtruar. Sipas kallëzimit të shtetasit Julian Karriqi, vëllezërit Arian dhe Armand Gosa janë konfrontuar më pas edhe me të duke e goditur dhe janë larguar nga vëndngjarja, duke lënë aty edhe njërën nga thikat, të thyer.