Vendi ynë do të dominohet nga alternime kthjellimesh dhe kalime vranësirash deri në orët e mesditës. Më të dukshme do të jenë kthjellimet në zonat bregdetare dhe qytetet e zonës së ulët.
Nga ana tjetër vranësirat do të jenë më shpeshta në zonat malore. Pasditja dhe mbrëmja do të sjellë një mbizotërim të vranësirave të shpeshta në të gjithë territorin, ndërsa më të fokusuara pritet të jenë në zonat Veriore dhe Lindore.
Temperaturat e ajrit do të mbeten konstante në mëngjes, por rriten lehtësisht në mesditë duke u luhatur nga -1°C deri në 14°C.
Era do të fryjë e lehtë dhe mesatare në det me shpejtësi 28 km/h nga drejtimi Perëndimore duke sjellë në brigjet detare dallgëzim të ulët.
