Një 37 vjeçar shqiptar nga Kosova është gjetur i pajetë në një rrugë të Strasburgut.
Bëhet fjalë për Sabit Hadzijaj. 37-vjeçari u gjet i vdekur në cepin e një pallati në një rrugicë të qytetit, e cila ishte bërë strehë për të kohët e fundit, pasi ai jetonte në mes të rrugëve për shkak të vështirësive ekonomike.
Shqiptari u gjet i pajetë në lagjen e stacionit të trenit në Strasburg mëngjesin e 1 shkurtit.
Do të jenë rezultatet e autopsisë ato që do të tregojnë shkakun e vdekjes së 37-vjeçarit.
Mediat e huaja raportojnë se 37-vjeçari, Sabit Hadzijaj, kishte bërë kërkesë për strehë urgjente më 24 janar. Por rasti i tij u la në pritje, e për fat të keq ai vdiq një javë më pas.
Mësohet se 37-vjeçari fatkeq jeton në Strasburg që prej moshës së fëmijërisë.
Ndërkaq nuk ka ende detaje se si i riu nga Kosova përfundoi në mes të katër rrugëve të Strasburgut.
