Austria u kurorëzua fituese e Eurovision 2025.
JJ, vetëm 24 vjeç, i dha vendit të tij fitoren në edicionin e 69-të të konkursit muzikor me një pjesë operistike pop. Tenori austriako-filipinas, duke interpretuar këngën ” Wasted Love”, një përzierje dramatike e operës, popit dhe teknos, i dha audiencës së Eurovisionit një moment unik, duke marrë duartrokitje të zgjatura nga turma në St. Jakobshalle në Bazel të Zvicrës.
Duke u ngjitur në skenë në vendin e 9-të në finale, JJ paraqiti pjesën e tij të vështirë si kundërtenor, duke mahnitur publikun dhe shikuesit me përsosmërinë e tij teknike, por edhe intensitetin emocional që rrezatonte në çdo fjalë.
E ndërsa fitoi zemrat e të dy gjyqtarëve, me dhjetë më të mirët që ndiqnin njëri pas tjetrit, dhe të publikut, tenori 24-vjeçar u udhëhoq drejt fitores me 436 pikë, duke e lënë Izraelin në vendin e dytë me 357 pikë, ndërsa tre të parët u mbyllën nga Estonia.
Duke qenë anëtar i komunitetit LGBTQI+, fituesi i Eurovisionit kishte dërguar mesazhin e tij nëpërmjet faqes queer.de marsin e kaluar:
“Mesazhi im personal do të ishte thjesht ta duam njëri-tjetrin, sepse dashuria është gjëja më e bukur në botë dhe urrejtja është gjëja më e tmerrshme.
‘Kur janë aty për njëri-tjetrin, gjithçka funksionon në mënyrë perfekte ,’ tha ai.
