Njëqind shefa kuzhine italianë u mblodhën në Bashkinë e Chelseat gjatë të shtunës dhe të dielës për të krijuar një tiramisu mjaftueshëm të gjatë për të thyer rekordin e mëparshëm të vendosur nga Galbani i Milanos në Milano, i cili ishte 273.5 metra.
Sipas rregullave të Rekordeve Botërore Guinness , një tiramisu rekordthyes duhet të përgatitet dhe të montohet drejtpërdrejt në vendin e ngjarjes. U përdorën 50,000 biskota dhe më shumë se 3,000 vezë, raporton BBC .
Rekordi u thye kur ëmbëlsira arriti një gjatësi prej 440.6 metrash.
Mirko Rizzi, njeriu pas përpjekjes së Londrës për thyerjen e rekordit, fillimisht e mbajti rekordin në vitin 2017 në Itali, por një tjetër ekip italian e theu atë në vitin 2019.
Rizzi tha se tiramisuja ishte “ëmbëlsira më e mrekullueshme që Italia ka eksportuar”, duke shtuar se shefat e kuzhinës vendosën ta mbanin rekordin në Mbretërinë e Bashkuar dhe jo në Itali, si një mënyrë për t’i thënë falënderim Mbretërisë së Bashkuar.
Ai shtoi se ëmbëlsira gjigante ishte bërë për nder të mbretit dhe familjes mbretërore. Ishte zbukuruar me një kurorë të artë në majë.Rizzi falënderoi të gjithë ata që morën pjesë në ngjarjen që zgjati fundjavën, duke shtuar: “Ky është një rekord për ne.”
Shefi i kuzhinës Carmelo Carnevale tha se tiramisuja duhej të ishte të paktën 8 cm e lartë dhe 15 cm e gjerë për të thyer rekordin.
Kur u pyet se çfarë e bën një tiramisu të mirë, Carnevale tha:
“Kafe shumë e mirë, krem i këndshëm dhe i fortë, dhe gjithashtu shumë pasion”
