Ministria e Brendshme ka shpallur “non grata” dy shtetas të Maqedonisë së Veriut, për të cilët autoritetet shqiptare thonë se disponojnë të dhëna për veprimtari në dëm të shtetit shqiptar.
Sipas gazetares Xhensila Kodra bëhet fjalë për Valon Beljan, i njohur edhe si Valjon Bela, si dhe Bekir Halimin, të dy me shtetësi të Maqedonisë së Veriut.
Vendimi është marrë në kuadër të masave të ndërmarra nga autoritetet shqiptare ndaj personave që konsiderohen se përbëjnë rrezik për sigurinë kombëtare.
Për mbledhjen dhe verifikimin e informacionit që çoi në këtë vendim ka punuar edhe Njësia Antiterror e Policisë së Shtetit.
Valon Bela është një politikan nga Maqedonia e Veriu i aktivizuar me Lëvizjen Besa. Ndërsa Bekir Halimi është hoxhë dhe teolog në shtetin fqinj të Maqedonisë së Veriut.
