Një prej pushuesve të lënduar nga zjarri që përfshiu një hotel në Lungomare të Vlorës ka rrëfyer momentet e tmerrit gjatë orëve të para të mëngjesit.
“Ishim në gjumë në 4 të mëngjesit dhe nuk e di. Dolëm në korridor, pamë shumë tym. Mbyllëm derën dhe shkuam në ballkon, flakë. Ndalëm te dhoma, menduam dhe kërcyem nga ballkoni”, tregon pushuesi, duke përshkruar momentet kur ai dhe të tjerët u përpoqën të shpëtonin nga flakët.
Zjarri në ambientet e hotelit ka shkaktuar gjashtë të lënduar, 5 prej tyre nga Kosova.
