Kapiteni dhe bashkëpiloti i një aeroplani që rrëshqiti nga pista dhe shpërtheu në flakë në veriperëndim të Libisë, janë arrestuar pasi u gjetën të dehur, thanë prokurorët.
Autoritetet libiane nuk dhanë identitetin e të arrestuarve, por sipas televizionit Libya al-Ahrar, avioni Cessna mbante vetëm “një ekuipazh prej tre personash: piloti, një shtetas gjerman, dhe bashkëpiloti dhe asistentja e fluturimit, të dy shtetas turq”.
Të hënën, ky aeroplan i vogël privat turk rrëshqiti nga pista ndërsa përpiqej të ulej në Aeroportin Ndërkombëtar të Misuratës dhe u përfshi nga flakët.
Nuk pati asnjë të lënduar. Pamjet televizive treguan avionin të djegur plotësisht, përveç kabinës së pilotit.
