Një lajm i trishtë vjen nga Italia, ku u bë e ditur se 15-vjeçari Manuel Korreshi është ndarë nga jeta pas një aksidenti teksa po kthehej në shtëpi.
Djaloshi i cili ishte pjesë e ekipit të AC Este 1920 në Itali, është përplasur nga njw automjet në natën mes të shtunës dhe të dielës ndërsa po ecte me biçikletë duke u kthyer në shtëpi.
Ka qenë vetë drejtuesi i automjetit i cili përplasi të riun shqiptar, ai që telefonoi urgjencën e cila e transportoi në spital në gjendje të rëndë.
Por pavarësisht përpjekjeve, Manuel nuk ia doli të fitonte këtë ndeshje, duke u ndarë nga jeta në moshë shumë të re. Klubi i tij ishte ai që shpërndau lajmin e trishtë, duke sjellë reagime të shumta në rajonin e Viçentinos nga komuniteti lokal.
