Modelja dhe influencuerja shqiptare Melimtx ka tërhequr sërish vëmendjen në rrjetet sociale me postimet e saj të fundit.
Në fotografitë e publikuara në Instagram, ajo shfaqet në disa poza të guximshme, duke marrë reagime të shumta nga ndjekësit. Postimet kanë rikthyer në vëmendje emrin e saj, i cili prej kohësh është i njohur në rrjetet sociale edhe për shkak të lidhjes së saj me botën e futbollit.
Melimtx, e njohur në rrjet si ‘melimtx’, është një influencere dhe modele me miliona ndjekës në platformat sociale. Ajo ka qenë shpesh në qendër të vëmendjes për fotografitë e saj, por edhe për deklaratat lidhur me komunikimet private që pretendon se ka pasur me disa prej futbollistëve më të njohur në botë.
Në vitin 2025, Melimtx publikoi në rrjetet sociale pretendime se kishte marrë mesazhe private nga Karim Benzema, Vinícius Júnior dhe Rafael Leão.
Sipas asaj që tregoi vetë modelja, komuikimi me Benzeman ishte nisur me një mesazh të shkurtër, ndërsa për Vinícius Júnior ajo pretendoi se futbollisti e kishte ftuar në rezidencën e tij. Për Rafael Leão, Melimtx tha se kishte pasur gjithashtu një komunikim në Instagram.
Publikimi i këtyre bisedave shkaktoi reagime të shumta në rrjet dhe bëri që historia të merrej nga disa media ndërkombëtare.
Megjithatë, pas reagimeve, Melimtx reagoi vetë për të sqaruar situatën. Ajo tha se bisedat ishin të vjetra, disa prej tyre rreth tre vite më parë, dhe se i kishte treguar gjatë një transmetimi live që po ndiqej nga një numër i vogël personash.
Modelja tha se nuk e kishte parashikuar që momenti do të përhapej në rrjet dhe mohoi se kishte pasur qëllim të sulmonte apo të vinte në siklet ndonjë prej futbollistëve.
Një tjetër detaj që ka tërhequr vëmendjen është mbështetja e saj e hapur për Real Madridin.
Melimtx ka deklaruar se është tifoze e klubit spanjoll prej vitesh dhe, pas publikimit të mesazheve, u përball edhe me komente lidhur me faktin se dy prej emrave që përmendi, Benzema dhe Vinícius, kanë lidhje të forta me klubin madrilen.
Ajo këmbënguli se mbështetja për Real Madridin nuk kishte lidhje me personat që i kishin shkruar në rrjetet sociale.
“E dua skuadrën për atë që është, jo për shkak të atyre që janë në mesazhet e mia”, ishte sqarimi i saj pas reagimeve në rrjet.
