Kryeministri shton se mjafton të ndiqen udhëzimet dhe të gjithë do e kenë më të lehtë për të marrë shërbimet që dëshirojnë nga portali shtetëror
Kryeministri Edi Rama ka publikuar një video ku shpjegon se si funksionon versioni i ri i asistentes virtuale “Diella”, për t’u ardhur në ndihmë të gjithë personave që duan të përdorin “e-Albania”.
Në video, tregohet se tashmë mund ta aksesoni “e-Albania” duke u identifikuar me njohjen e fytyrës, një përditësim që pritet të lehtësojë procesin veçanërisht për të moshuarit. Kryeministri shton se mjafton të ndiqen udhëzimet dhe të gjithë do e kenë më të lehtë për të marrë shërbimet që dëshirojnë nga portali shtetëror.
“Të dashur prindër dhe gjyshër, tani mjafton t’i flisni Diellës dhe ajo ju ndihmon hap pas hapi, nga gjetja e shërbimit te plotësimi i formularëve e-Albania
19 shërbime tashmë më të lehta për t’u përdorur, ndërsa hyrja në e-Albania mundësohet edhe përmes Face ID ose gjurmës së gishtit, pas aktivizimit😍 Ndiqni udhëzimet në video dhe shikoni sa e thjeshtë është”- shkruan Rama.
