Një rast i rëndë ngacmimi seksual dyshohet se ka ndodhur në Vlorë, ku një mësues 35-vjeçar është arrestuar.
Sipas raportimeve, janë shtatë nxënëse të moshave 14 dhe 17 vjeç, të cilat e kanë denoncuar në polici mësuesin edukimit fizik, të cilin e akuzojnë se i ka ngacmuar seksualisht në ambientet e shkollës.
Sipas njoftimit të policisë, në kuadër të veprimeve hetimore është ndaluar shtetasi A. A., 35 vjeç, banues në Vlorë, me detyrë mësues i edukimit fizik në këtë shkollë.
Autoritetet po vijojnë hetimet për dokumentimin e plotë të rastit.
