Posta Shqiptare dhe Credins Bank nënshkruan një marrëveshje të re bashkëpunimi, duke forcuar partneritetin mes dy institucioneve dhe duke krijuar kushte më të favorshme për zhvillimin e shërbimeve financiare.
Marrëveshja u nënshkrua nga Administratori i Postës Shqiptare, z. Etjen Xhafaj, dhe Drejtori i Përgjithshëm i Credins Bank, z. Maltin Korkuti.
Ky bashkëpunim synon të kontribuojë në rritjen e eficiencës ekonomike dhe forcimin e qëndrueshmërisë financiare të Postës Shqiptare, duke krijuar njëkohësisht mundësi të reja për zhvillimin e shërbimeve dhe rritjen e të ardhurave.
Mbi të gjitha, partneriteti synon të sjellë më shumë lehtësi dhe mundësi për qytetarët dhe bizneset, përmes zgjerimit të aksesit në shërbimet financiare në të gjithë vendin.
