Një atentat me kallashnikov ka ndodhur mesditën e sotme në Milot, ku ka mbetur i plagosur Ylli Ibrahimi, 45 vjeç. Ndaj Ibrahimit kanë qëlluar dy persona, të cilët ishin me maska
Mësohet se ndaj 45-vjeçarit është qëlluar me mbi 30 plumba nga një motor në lëvizje.
Autorët të maskuar e kanë ndjekur 45-vjeçarin i cili ka tentuar të largohet, por nuk i ka shpëtuar plumbave
Ibrahimi është dërguar me urgjencë në drejtim të spitalit të Traumës në Tiranë, ndërsa fatmirësisht ndodhet jashtë rrezikut për jetën.
Njoftimi i Policisë së Laçit:
Rreth orës 12:10, në Milot,Kurbin, në rrethana ende të paqarta është plagosur me armë zjarri shtetasi Y.I., i cili është transportuar në spital dhe ndodhet nën kujdesin mjekësor.
Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
