Një automjet ka dalë nga rruga në aksin rrugor Lezhë-Shkodër në afërsi të fshatit Gjader dhe ka përfunduar në një parcelë
Drejtuesja e mjetit dhe 3 shtetasit që ndodheshin pasagjerë janë plagosur. Policia ndodhet në vendin e ngjarjes po punon për shkaqet e këtij aksidenti.
Lezhë/Informacion paraprak
Në aksin rrugor Shkodër-Lezhë, në afërsi të vendit të quajtur ” Kryqëzimi i Gjadrit ” , mjeti tip “Ford” me drejtuese shtetasen M.C., ka humbur kontrollin duke dalë nga rruga.
Për pasojë kanë marrë dëmtime drejtuesja e mjetit dhe 3 shtetasit që ndodheshin pasagjerë në këtë mjet, të cilët janë dërguar në spitalin Rajonal Lezhë dhe ndodhen nën kujdesin e mjekëve.
Grupi hetimor në vendngjarje po punon për sqarimin e plotë të shkakut dhe rrethanave të ngjarjes.
