Një automjet policie ka përplasur një çiklist ditën e sotme në rrugën “Myslym Keta” në kryeqytet. Bëhet fjalë për policin me inicialet P.N., ndërkohë i aksidentuari me inicialet A.G., rreth 55 vjeç, është dërguar në spital për t’u mjekuar.
Njoftimi i policisë Tiranë:
Në rrugën “Myslym Keta” mjeti me drejtues shtetasin P. N. (punonjës policie) pjesë e grupit të kontrollit të territorit, është përplasur me një biçiklist me iniciale A. G., rreth 55 vjeç, i cili po dërgohet në spital, për të marrë ndihmë mjekësore.
Grupi hetimor ndodhet në vendngjarje dhe po punon për sqarimin e rrethanave të aksidentit.
