as ngjarjes tragjike në Fier ku burri vrau ish bashkëshorten, një tjetër rast tronditës u regjistrua mbrëmjen e sotme në Divjakë. Hekuran Rrasa, 58 vjeç, ka vrarë me armë gjahu në banesë gruan e tij Fëllënxë Rrasa, 45 vjeçe, ndërsa më pas ka vrarë edhe veten.
Ende nuk ka një raport zyrtar mbi arsyet e krimit, por dyshohet se konflikti mbi situatën ekonomike, të ketë qenë shkak për debate mes tyre.
“Ishin pak dobët nga ekonomia, nuk kishin. Mbase nga kjo janë zënë. Për punë lekësh.Nipin e lajmërova unë, i thashë ik njëherë tek shtëpia kur dëgjuam krismat. Po pi kafe më tha. Lërë dhe hajde shpejt”, tha vëllai i autorit të krimit.
Top Channel ka siguruar pamje të banesës së çiftit, njëkohësisht dhe vendin ku ndodhi krimi makabër.
Në vendngjarje është gjetur dhe sekuestruar në cilësinë e provës materiale arma e gjahut me të cilin është kryer krimin, ndërkohë që vijojnë hetimet për sqarimin e ngjarjes.
