Komiteti Ekzekutiv i UEFA-s, ka miratuar rregullat e reja që do të hynë në fuqi nga qershori i ardhshëm. Rregulli më i bujshëm duket të jetë ai që vendos limitin mbi paratë që një klub mund të përdori për transferimet dhe rrogat e lojtarëve.
Sipas këtij rregulli të ri çdo klub europian nuk mund të përdori më shumë se 70% të të ardhurave të tyre për merkaton e transferimeve, rrogat e futbollisteve dhe komisionet e agjentëve.
Ky rregull duket të jetë bërë në veçanti ndaj klubeve si PSG dhe Mançester Siti, që duke përdorur potencialin financiar të drejtuesve të klubit, dominojnë merkaton e transferimeve.
Gjithashtu UEFA, ka vendosur se do të ketë tolerancë më të vogël ndaj borxheve të klubit, duke paralajmëruar sanksione të reja për klubet që e kalojnë linjën e kuqe të bilancit të tyre në fund të vitit.
