Ka kaluar më shumë se një orë nga përfundimi i seancës për vulën e Partisë Demokratike në Gjykatën e Apelit Administrativ. Trupa gjykuese ende nuk ka dalë me një vendim ndërkohë që përfaqësuesit e dy grupimeve të PD-së presin jashtë ambienteve të gjykatës.
Në përfundim të seancës përfaqësuesi ligjor i grupit të Alibeajt, Indrit Sefa ka kërkuar prishjen e bendimit të datës 25 Mars dhe kthimin e çështjes për gjykim.
Nga ana tjetër, përfaqësuesi i palës tjetër në këtë proces, Ivi Kaso është shprehur se kërkesa nuk mund të legjitimohet.
Pjesë nga diskutimet në seancën e sotme
Sefa: Kërkojmë prishejn e vendimi të 25.3 dhe kthim për gjykim
Kaso: Ne kërkojmë dhe vlerësojmë se pala nuk legjitimohet dhe nuk është përfaqësuese e një pale që të bëjë ankimim. Duam mospranim të ankimimi. Kërkojmë rrëzimin e ankimimit. Nëse nuk do rrëzohej do ishte oguri më i keq i gjykatës lidhur me partitë politike
Kaso: Kjo do të legjitimonte që cilido i pakënaqur në partitë politike, i palegjitimuar mjafton me një kërkesë dhe kështu do te zvarriste çdo akt.
