Një dron në Yerevan mori vëmendjen e të gjithë tifozëve që po ndiqnin nga stadiumi Vazgen Sargsyan Republican ndeshjen kualifikuese të Euro 2024 mes Armenisë dhe Kroacisë. Për këtë episod të ndodhur në minutë ne 35-të të ndeshjes, arbitri francez Turpin ndërpreu takimin për pak sekonda, për të rifilluar më pas gjithçka.
Në bazë të asaj që shkruajnë mediat armene, bëhet fjalë për një flamur të Nagorno-Karabakhut, regjionit për të cilint Armenia e Azerbajxhani janë në konflikt të gjatë. Ngjarja ngjan me atë të Beogradit nëntë vite më parë, kur ndeshja ndërmjet Serbisë dhe Shqipërisë u ndërpre nga një dron me flamurin shqiptar dhe hartën e Shqipërisë së Madhe.
