Spektakli që promovon talentet e rinj mbrëmjen e kësaj të premteje ul siparin. Në këtë natë finale emocionet, surprizat dhe performancat në skenën e “X Factor” në Tv Klan janë të shumta.
Mes 3 konkurrentëve, Lenadrës, Rigersës dhe Salvatores, vetëm njëri prej tyre do të kthehet në shtëpi me trofeun e madh të fitores. Votimi bëhet i vështirë dhe përzgjedhja e më të mirit akoma dhe më e vështirë. Por, rregullat e spektaklit janë të tilla.
Prandaj në mbyllje të televotimit, njëri prej 3 konkurrentëve do të largohet. Publiku vendosi që i eliminuari i parë të ishte Leandra.
Në të gjitha netët live të spektaklit Leandra ka spikatur me zërin dhe vokalin e saj. Edhe pse u eliminua pas mbylljes së televotimit të parë, rruga e saj drejt artit dhe muzikës do të vazhdojë. Aq më tepër me statusin e 1 prej 3 finalisteve të “X Factor”.
“Faleminderit për mundësinë. Nuk do e harroj kurrë, jam falenderuese gjatë gjithë jetës! Kam shumë emocione tani…(përlotet) Unë kam fituar, nuk kam humbur! Fitoren time këtu ia kushtoj vetëm prindërve të mi për të gjitha sakrificat që kanë bërë!”, tha Leandra./tvklan.al
