Një atentat tronditi këtë mbrëmje kryeqytetin. Sipas informacioneve paraprake, katër persona të moshave 11, 17, 19 dhe 34 vjeç kanë mbetur të plagosur, dy prej të cilëve janë në gjendje të rëndë shëndetësore. Ata po marrin trajtim në Spitalin e Traumës.
Ngjarja ndodhi rreth orës 21:50, në afërsi të rrethrrotullimit të Saukut, ndërkohë që pritet njoftim zyrtar nga policia.
Ky është atentati i dytë brenda dy orësh në vend, teksa një vrasje mafioze ndodhi më herët në Lezhë, ku u eliminua Gjovalin Prendi, i dyshuar si i përfshirë në disa ngjarje kriminale në të shkuarën.
