Vatikani ka konfirmuar zyrtarisht se ceremonia e varrimit të Papa Françeskut do të mbahet të shtunën, më 26 prill, në orën 10:00 me orën lokale, në Sheshin e Shën Pjetrit.
Sipas njoftimit të zyrtarëve të Vatikanit, arkivoli i Papës do të transferohet ditën e nesërme në Bazilikën e Shën Pjetrit, ku besimtarët do të kenë mundësinë t’i bëjnë homazhe para fillimit të ceremonisë mortore.
Pritet që mijëra besimtarë dhe liderë botërorë të marrin pjesë në këtë ceremoni historike në zemër të Vatikanit, për të nderuar jetën dhe trashëgiminë e Papës së parë nga Amerika Latine.
