Nga Prel Dedaj/Kanditat i Koalicionit Euroatlantik Qarku Lezhe
Një thirrje po ju bëj nga zemra:
MË VOTONI !
Vendosni me fuqinë që mbart gjykimi juaj, fuqinë e sovranit.
Nuk ka gjë më të fuqishme se vullneti juaj, e kur ai nuk ushtrohet, është njëlloj sikur ai vullnet të mos ekzistojë…
Sot shoqëria jonë përballet me probleme të shumta, të cilat janë krijuar nga keqqeverisja e atyre që ju keni punësuar për të administruar ekonominë dhe jetën e shoqërisë shqiptare.
Ku kemi arritur?
-Ju të gjithë thoni se pensionet janë të vogla. Skema se si funksionon sistemi ndan lëmoshë dhe jo pension, qëllimisht, dhe thjesht zgjat varfërinë.
Ju doni ta ndryshoni atë skemë por ata që kemi mbi krye, nuk e ndryshojnë. Atëherë ju duhet të ndryshoni ATA.
-Ju nuk e besoni kujdesin shëndetësor.
Ju kujtohet pandemia e COVID19.
Personi që kishte marrë buxhetin për shëndetësinë, dhjetra milion euro, Vilma Nushi e CHECK UP-it, kur u sëmur, mori avion çarter -ambulancë dhe u kurua jashtë vendit.
Ju doni ta shëmbni këtë skemë vjedhjeje të hapur, por ata që e kanë ngritur, nuk pranojnë ta zhbëjnë.
Atëherë ju duhet të rrëzoni ata që e mbajnë në këmbë këtë sistem.
-Ju nuk e besoni drejtësinë, e cila nuk është e drejtë.
Por ata nuk pranojnë ta ndryshojnë! Atëherë,
Ju duhet të ndryshoni ata!
-Ju nuk jeni dakort me arsimin që bëjnë sot fëmijët tuaj, madje ka që nuk janë dakort as me emrin e shkollës ku mësojnë fëmijët juaj, por ATA nuk e ndryshojnë gjendjen që vetë kanë krijuar.
Atëherë, ju duhet t’i ndryshoni ata!
-Ju doni ujë, drita dhe infrastrukturë por ATA i çojnë lekët tek konçensionet korruptive, më të shtrenjta të botës.
Kur ju nuk arrini t’i keni këto të drejta, lufta bëhet me atë që i pamundëson ato, ndaj pamëshirshëm duhet t’i luftoni ata!
-Ju të dashur bashkëvuajtës nga persekutimi komunist, e kërkoni Statusin e të Përndjekurit Politik, si një instrumet ligjor që ju garanton rehabilitim dhe dinjitet, por ATA nuk ua japin atë.
Atëherë hiqini JU ATA!
-Ju prindër që nuk e keni ndjerë aromëm e mbesës e të nipit, pasi fëmijët tuaj jetojnë pa dokumenta në Perendim, ju doni ta shijoni këtë pjesë të jetës pranë tyre. Por ata që e kanë në dorë, ta bëjnë këtë vend të jetueshëm, janë pikërisht ata që i kanë detyruar fëmijët tuaj të ikin. Atëherë bëjini ju të ikin shkaktarët, të ikin ATA.
-Juve nuk u shërben pushteti lokal. Është thjesht shtojcë e pushtetit qëndror që nuk i shërben popullit, por pushtetit. ATA nuk pranojnë të shërbejnë!
Ndryshojini ju ATA!
Po si t’i ndryshojmë ?-mund të pyesë ndonjëri.
Po i përgjigjem me një thënie të Abraham Lincoln, njërit nga baballarët e kombit, ku zgjedhja dhe fati im, më bënë të jem pjesë: “Kur qeveria vepron kundër popullit, lufta e popullit për ta rrëzuar ME ÇDO MJET, kthehet një detyrë e shenjtë!!!”
Ne nuk po themi akoma fjalën “me çdo mjet”.
VOTA, të dashur vëllezër e motra, është mjeti më magjik që mundëson të pamundurën.
Nëse ju doni të dëgjoheni, duhet të votoni ata që kanë zërin tuaj.
Nëse doni që vetë ju të vendosni, jepuni mundësinë me votën tuaj, atyre që mbrojnë besnikërisht interesat tuaja.
Kurrësesi atyre që janë provuar e sprovuar.
“Të priturit e rezultateve të ndryshme, duke bërë të njëjtën gjë, është element i rrezikshëm.
Gjithë sa thashë ka një arësye:
Sovrani, nuk është vetëm ai që ankohet, Sovrani është Ai që vendos!
Nëse doni që Shqipëria të jetë shtëpia jone dhe jo vendi nga i cili ikim, atëherë duhet të sillemi si pronarë të saj.
Ju lutem vlerësoni peshën e votës suaj.
Votoni me bindjen tuaj të brendshme.
Votoni ndryshimin.
Votoni, që ata që zgjidhni të mos jenë kurrë më ATA, por të jenë vetë JU
