Mesfushori i Kombëtares, Juljan Shehu foli pas fitores së Shqipërisë. Ai u shpreh tepër i lumtur për rezultatin.
“Të them drejtën ishte ndeshje e vështirë, e kishim përgatitur mirë, ata ishin shuëm të mbyllur mbrapa, të gjithë çunat kishin motivimin e duhur, na duheshin 3 pikët sepse e dinim që nëse nuk i merrnim do të ishte e vështirë për të vazhduar në rrugëtimin tonë për në Botëror. Jemi shumë të lumtur për fitoren. Nuk mund të them se ishim të lodhur, por u tërhoqëm për të menaxhuar rezultatin, për ta bërë sa më të thjesht fitoren, patëm shanse për ta thelluar rezultatin por nuk ja dolëm. E kishim përgatitur ndeshjen për topa vertikalë, rrezikuam disa herë më Brojën nga krahu, nuk i shfrytëzuam rastet që patëm”, deklaroi Shehu për “TV Klan”.
