Një 44-vjeçar me origjinë shqiptare është ekzekutuar në Kolumbi, nga një shtetas venezulian.
Mediet e huaja raportojnë se viktima është identifikuar si Artur Tushi, ndërsa autori ka rënë në prangat e policisë, pak pasi kreu krimin.
Po sipas tyre, citohet se autori i është afruar 44-vjeçarit Artur Tushi me motoçikletë dhe pasi kanë shkëmbyer fjalë e ka qëlluar për vdekje.
“Dyshohet se kërkuan vetëm emrin e personit dhe, kur e konfirmuan, kryen aktin”, tha një dëshmitar.
Një grua 77-vjeçare gjithashtu u plagos nga të shtënat dhe u dërgua në spital. Pamjet e kamerave të sigurisë çuan policinë drejt autorit të dyshuar, një shtetas venezuelian, i cili u kap në lagjen Mirador të komunës së Bellos.
Paraprakisht dyshohet se vrasja ka ndodhur për larje hesapesh, ndërsa hetimet ende vazhdojnë.
