Atmosferë elektrizuese në kryeqytet pak para ndeshjes mes Serbisë dhe Shqipërisë, e cila do të luhet në qytetin e Leskovacit. Në Tiranë, qindra tifozë janë mbledhur për të ndjekur dhe mbështetur kombëtaren shqiptare në një nga përballjet më të rëndësishme dhe të ndjeshme të këtyre eliminatoreve.
Me flamuj kuqezi, tifozët kane krijuar një atmosferë festive në zona të ndryshme të qytetit. Pikat e grumbullimit kryesor janë baret dhe sheshet publike ku do të transmetohet ndeshja.
Tifozët shpresojnë për një rezultat pozitiv, ndërsa ndeshja konsiderohet e tensionuar për shkak të sfondit historik dhe rivalitetit të fortë mes dy vendeve.
Ndeshja Serbi–Shqipëri zhvillohet në orën 20:45 në stadiumin e qytetit Leskovac dhe pritet me interes të madh nga opinioni publik, jo vetëm në Shqipëri, por edhe në arenën ndërkombëtare.
