I dha zë këngës “Xhamadani vija vija, ndahet nga jeta Shemsi Krasniqi vokalisti i grupit “Ilirët”

Shemsi Krasniqi, i njohur gjerësisht me nofkën Shemi, është ndarë nga jeta në mënyrë të papritur. Lajmin e ka dhënë Klan Kosova dhe medie të tjera athe. Ai ishte një nga zërat më të njohur të muzikës popullore dhe patriotike shqiptare dhe vokalist i grupit legjendar “Ilirët”gjatë viteve ’80–’90.
Shemi u dallua për zërin e tij të fuqishëm dhe interpretimin emocional. Kulmi i karrierës së tij lidhet me këngën:
“Xhamadani vija-vija” që u shndërrua në një simbol kombëtar, veçanërisht gjatë viteve të rezistencës dhe luftës në Kosovë. Edhe pse autorët e tekstit dhe muzikës janë të tjerë, interpretimi i Shemit e bëri këngën të pavdekshme dhe të lidhur ngushtë me emrin e tij.
Shemi ishte i martuar dhe familjar. Bashkëshortja e tij kishte ndërruar jetë disa vite më parë pas një sëmundjeje, gjë që ai e kishte përjetuar rëndë dhe e kishte ndarë publikisht me ndjekësit e tij.