Barcelona është në zi, ndërsa shkak është bërë babai i Hansi Flik që ndërroi jetë sot. Trajneri i katalanasve me shumë gjasa do të jetë në stol kundër Real Madrid, për sfidën “El Clasico” të programuar në mbrëmje.
“FC Barcelona dhe e gjithë familja blaugrana dëshirojnë t’i dërgojnë gjithë dashurinë tonë Hansi Flik pas ndarjes nga jeta të babait të tij. Dhimbja dhe mendimet tona janë me ju dhe familjen tuaj gjatë kësaj kohe të vështirë”, shkruan klubi katalanas.
Barcelona ndërkohë ka vendosur që në sfidën me Realin ku mund të fitojnë edhe zyrtarisht titullin kampion, të mbajnë shirit të zi në krah. Kjo në shenjë respekti, ndërsa objektiv mbetet që mbrëmja e sotme të kthehet në ditë feste.
