Një kandidate demokrate për Kongresin në shtetin e Miçiganit është bërë virale në rrjetet sociale, jo për programin politik, por për videot e saj në TikTok ku shfaqet duke bërë twerk mbi banakun e kuzhinës gjatë fushatës elektorale.
Bëhet fjalë për Shelby Campbell, 32 vjeç, studente juridiku dhe nënë beqare, e cila kandidon kundër një kongresmeni aktual në Detroit. Campbell ka tërhequr vëmendje të madhe online edhe pasi në faqen e saj të fushatës ka publikuar katër fotografi arrestimi, duke deklaruar: “Kam qenë në burg. Jam gjykuar. U ngrita përsëri”
Videoja e saj është shpërndarë masivisht në internet, duke shkaktuar reagime të shumta dhe kritika, ndërsa vetë kandidatja duket se po e shfrytëzon vëmendjen mediatike në favor të fushatës së saj.
Rasti ka ndezur debat në SHBA mbi mënyrën se si rrjetet sociale po ndikojnë në politikë dhe imazhin e kandidatëve gjatë fushatave elektorale.
